Un grop de scientifics olandeses presentèron diluns passat a Londres lo primièr “hamburger proveta”. S’agís de carn desvolopada artificialament dins un laboratòri a partir de cellulas maire bovinas.
Los scientifics an capitat de multiplicar de mòstras de cellulas maire de vaca en las alimentant amb de nutriments e en n’accelerant la creissença amb de substàncias quimicas. A calgut tres setmanas de procès continú per obténer mai d’un milion de cellulas maire, que se son fusionadas fins a formar de petitas fibras de muscle, d’aperaquí un centimètre de long e qualques millimètres de larg. Vint mila fibras d’aquela mena foguèron congeladas, e après descongeladas per las far venir una massa d’hamburger prèsta per cosinar.
Los primièrs a tastar l’hamburger son estats l’expèrta alimentària Hanni Rutzler e lo jornalista e escrivan Josh Schonwald. Cosinèt l’hamburger lo cosinièr Richard McGeown.
Dins la presentacion, los scientifics expliquèron que son a trabalhar per donar un aspècte mai autentic a l’hamburger, perque la carn del laboratòri es tròp blanca e sa sabor “es pas encara pro bona”.
Los expèrts dison qu’aquela nòva tecnica poiriá èsser una bona solucion a l’escassetat d’aliments dins l’avenir, del temps que d’animalistas dison que serà una bona alternativa.
Lo projècte a recebut un don de 250 000 èuros de Sergey Brin, cofondador de Google.
La còla scientifica es dirigida per Mark Post, de l’Universitat de Maastricht. Segon Post, lo produch se poirà comercializar d’aicí a 10 o 20 ans.
Los scientifics an capitat de multiplicar de mòstras de cellulas maire de vaca en las alimentant amb de nutriments e en n’accelerant la creissença amb de substàncias quimicas. A calgut tres setmanas de procès continú per obténer mai d’un milion de cellulas maire, que se son fusionadas fins a formar de petitas fibras de muscle, d’aperaquí un centimètre de long e qualques millimètres de larg. Vint mila fibras d’aquela mena foguèron congeladas, e après descongeladas per las far venir una massa d’hamburger prèsta per cosinar.
Los primièrs a tastar l’hamburger son estats l’expèrta alimentària Hanni Rutzler e lo jornalista e escrivan Josh Schonwald. Cosinèt l’hamburger lo cosinièr Richard McGeown.
Dins la presentacion, los scientifics expliquèron que son a trabalhar per donar un aspècte mai autentic a l’hamburger, perque la carn del laboratòri es tròp blanca e sa sabor “es pas encara pro bona”.
Los expèrts dison qu’aquela nòva tecnica poiriá èsser una bona solucion a l’escassetat d’aliments dins l’avenir, del temps que d’animalistas dison que serà una bona alternativa.
Lo projècte a recebut un don de 250 000 èuros de Sergey Brin, cofondador de Google.
La còla scientifica es dirigida per Mark Post, de l’Universitat de Maastricht. Segon Post, lo produch se poirà comercializar d’aicí a 10 o 20 ans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dus cents cinquanta mila èuros un hamburger pas guaire bon, aquerò que hè car, totun.
Aquò serà bon per la santat. Mai que mai per la santat de las vacas!
Benlèu una solucion a l'aumentacion la populacion mondiala... Sarem 9M en plaça de 6M, en 2050! Doncs lèu lèu! Que cau veire après leis efièchs sus la santat, es plan important!
Aquí, carnistas!
Auretz lèu de qué vos engreishar de carn sense tuar diguns.
Bon apetit! Jo me’n vau preparar una escalivada, puslèu…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari