Actualitats
Los identitaris manifèstan a Niça contra François Hollande
La diversitat de bandièras qu'a saludat per tot l'Exagòn la victòria del candidat del PS a pas agradat als intolerants
Demest los eslogans i aviá d’allusions a l'immigracion, contra los socialistas e los comunistas e contra lo maridatge omosexual. "Contestam pas a l'eleccion de François Hollande sa legalitat, mas sa legitimitat perque sonque 32% dels franceses en atge de votar se son portats sus sa candidatura", expliquèt al jornal Le Figaro Philippe Vardon, menaire de “Nissa Rebela”, qu'apelava a "resistir dins las carrièras". "Volèm pas veire bandejar de bandièras estrangièras coma sus la plaça Massena dimenge de ser", ont los simpatizants de François Hollande s'amassavan per festejar la victòria del lor candidat, çò ditz Vardon encara al meteis jornal. Lo movement ultradrechan niçard donava lo sieu sosten a la presidenta del Front Nacional, Marine Le Pen.
De bandièras d'un fum de païses an saludat la victòria de François Hollande per tot l'Estat francés, çò qu'a provocat una polemica viva demest los mai chauvinistas, xenofòbs e intolerants a la diversitat dels ciutadans franceses.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquestes cons que son lo lunpenproletariat occitan, los pècs utiles deu jacobinisme.
Que poden lhevar banèras occitanas o reivendicar la loa identitat occitana, fin finala que haram tostemps lo jòc deu nationalisme franchimand...
L'istòria de la drecha nacionalista francesa, lo desvagament deis ideias de republica, e la reduccion de la nacion dau pòble sobeiran a l'expression d'un etnisme nacionalista, son de conceptes que caminon dins lei çarveus de nòstei poletics dempuei mai de 130...Avem que de legir coma s'acabèt per Boulanger, Deroulède, Drieu, lei Dreyfusards, lei colaboradors, aquela drecha de la regression e de la reaccion. Podrem tamben s'avisar que la solucion es jamai estada entre lei mans dei democratas sociaus, que fan perdre de temps ai dos camps : a la senèstra vertadièra coma a la drecha. Lo president qu'avem es un retardador...petarà la bomba, siegue sociala, vò nacionalista.
Es pas lor president, François Hollande ? E alara ? Lor Occitania rematsegada a la sauça "raça superiora" es pas mon Occitania de Convivéncia. Mon Occitania es la de Massila Sound System e de Manu Theron, e non pas la d'aqueleis pebrons e d'aquelas radassas faiscistas de cap país niflards…
Aquelei gents fan encara bravament mòstra de sa concpcion curiosa de la democracia. Son lo càncer de França e d'Occitània.
Qué pecat...
Precisi d'alhors que l'avia tanben de drapèu bretons e occitans sus la Bastilha, çò qu'es estat precizat per Frederic taddei dins son emission.
Bessai que prenguèron la bandiera occitana per la bandiera sovietica ? M'estonaria gaire...
L'extrema drecha imperialista francesa a lo meteis camin que los autres imperialistas.
Manipulacion de las "minoritats" occitana, catalana, alsaciana, etc. Rejeit de ce que lor conven de la cultura de las "minoritats" (nacion sensa estat), e recuperacion de ce que los conven parier per far color locala e se donar de legitimitat (terraire, retorn a las sorças).
Mòstra que lo problèma nacional en Republica Francesa es mai que mai d'actualitat. Après lo debat poirit sus l'identitat nacionala, las declaracions de l'equipa presidenciala precedenta, lo problèma de la reconoisséncia de l'autre : occitan, imigrat ò per sa sexualitat, existe ancara.
Es d'aitant mai grèu qu'a Niça (Nissa) l'imperialisme francés es illegitime, denonciat coma tal, lo mond lo sap, articles dins The Times, una requesta a l'ONU siguèt facha i a qualques ans, peticions, mas ren bolega. Anexion per las armas, per la corrupcion en 1860, perqué las invasions de 1543 etc. fins a 1793 fonccionèron pas.
Cal saber qu'aquel monde "identitari" cultiva lo remembre de l'accion eroïca de Catarina Segurana del temps dal sèti de 1543 de Niça per los turcs. Mas es en denembrant que los turcs èran solament de mercenaris aligats de Francés 1er, rei de França. Que lo rei de França, el solet, aviá decidat de menar guerra a Contea de Niça per l'invasir. Mas segur, la veritat fai sempre mal de la veire...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari