Actualitats
L’UMP exclurà un militant parisenc après sa fiulada sus Twitter sus la deportacion dels omosexuals
Diluns passat, la federacion UMP de la capitala de França anoncièt una procedura d’exclusion per son militant Stéphane Journot, après una fiulada sus Twitter plan polemica sus la deportacion dels omosexuals.
Lo militant parisenc comentava una accion que se menèt a tèrme contra La Manif pour Tous, un grop omofòb de l’estat francés que lucha contra los dreches dels omosexuals. Journot suggerissiá que los omosexuals portèsson un triangle ròse per “facilitar las causas”. Amb aquò se referissiá al logotipe d’Act Up, grop que manifestava contra l’intolerància, mas tanben a l’identificant emplegat pel nazisme per marcar los omosexuals.
La fiulada foguèt lèu suprimida mas se’n parlèt plan suls rets socials, e provoquèt l’indignacion de l’associacion Inter-LGTB, que denoncièt una “apologia de la deportacion per motiu d’omosexualitat”.
Journot demandèt excusa suls rets socials, mas serà exclús de la federacion parisenca de l’UMP, que condamnèt publicament la fiulada de son militant en disent que s’agissiá de “declaracions inacceptablas, contràrias a las valors del partit”.
Lo militant parisenc comentava una accion que se menèt a tèrme contra La Manif pour Tous, un grop omofòb de l’estat francés que lucha contra los dreches dels omosexuals. Journot suggerissiá que los omosexuals portèsson un triangle ròse per “facilitar las causas”. Amb aquò se referissiá al logotipe d’Act Up, grop que manifestava contra l’intolerància, mas tanben a l’identificant emplegat pel nazisme per marcar los omosexuals.
La fiulada foguèt lèu suprimida mas se’n parlèt plan suls rets socials, e provoquèt l’indignacion de l’associacion Inter-LGTB, que denoncièt una “apologia de la deportacion per motiu d’omosexualitat”.
Journot demandèt excusa suls rets socials, mas serà exclús de la federacion parisenca de l’UMP, que condamnèt publicament la fiulada de son militant en disent que s’agissiá de “declaracions inacceptablas, contràrias a las valors del partit”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L’UMP exclurà un militant parisenc après sa fiulada sus Twitter sus la deportacion dels omosexuals E los omosuxuals, eles, excluïràn l'UMP, anarà mai aviat aital !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari