Dins l’encastre de la comission d’enquista parlamentària sus l’autoestrada A69, los deputats de l’Assemblada Nacionala francesa an mes en lum qualques seriosas irregularitats dins las mesuras compensatòrias promesas pel concessionari, çò rapòrta Reporterre. L’enquista, iniciada pel grop ecologista a l’Assemblada, a per tòca d’avalorar los engatjaments environamentals de l’entrepresa Atosca, encargada de la construccion de l’autoestrada entre Tolosa e Castras tan contestada pels ecologistas.

Segon la raportaira de la comission, la deputada occitana Christine Arrighi, i a de nombrosas questions sens responsa pertocant las promessas de compensacion fachas pel concessionari. Demest los principals chepics, los deputats remeton en question la veracitat dels engatjaments, sustot en matèria de plantacion d’arbres e de preservacion de las zònas umidas.

Dins los engatjaments contestats s’inclutz la promessa de replantar cinc còps mai d’arbres abatuts, una practica qualificada d’”eslogan publicitari” per la comission. A mai, s’es observat de mancanças importantas dins l’identificacion de las espècias destruchas e l’indisponibilitat de terrens apropriats per la compensacion.

La comission d’enquista parlamentària deuriá conclure sa primièra fasa d’analisi lo 16 d’abril.