Actualitats
Fukushima vèrsa cada jorn 300 tonas d’aiga contaminada dins la mar
Lo govèrn japonés a informat que l’accidentada centrala nucleara de Fukushima, epicentre de la crisi atomica, vèrsa cada jorn aperaquí 300 tonas d’aiga radioactiva dins la mar.
Aquela donada se faguèt publica après que l’entrepresa Tokio Electric Power (TEPCO), que fa la gestion del sit, mostrèsse son chepic per l’acumulacion d’aiga extrèmament contaminada dins los sosterranhs dels reactors, qu’aumenta cada jorn per de filtracions.
Lo govèrn japonés a anonciat qu’ajudarà TEPCO economicament a conténer las pèrdas d’aiga radioactiva del sit. Segon de fonts del govèrn de Japon, se vòl congelar la tèrra a l’entorn de tot lo sit per bloquejar la sortida de l’aiga.
Mas per ensajar de tranquillizar la populacion, a assegurat que la màger part de l’aiga contaminada vessada dins la mar se tròba solament dins lo pòrt, qu’es isolat de la mar per de peiradas e de dòcs, que protegisson lo sit nuclear.
TEPCO a ja recebut mai de 23 miliards d’èuros del govèrn per desmantelar centrala e per pagar d’indemnizacions.
Après l’accident nuclear de Fukushima de fa dos ans, aperaquí 3500 salariats luchan cada jorn dins la centrala japonesa per la poder desmantelar. Ça que la, los trabalhs se perlongaràn almens 30 o 40 annadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Nos manca pas mai que de d'o tornar al mond d'abans l'invencion del motor d'explosion, amb vilatges autarcics e ligam fortàs que vital entre umans, bèstias e plantas. Tot çò mai es pas qu'un desastre ecologic qu'espè§ra son temps per se mostrar aital.
"TEPCO a ja recebut mai de 23 miliards d’èuros del govèrn per desmantelar centrala e per pagar d’indemnizacions." Ieu, te lor fotriái 1 miliard d'euròs de penalitat per jorn de retard dins lo desmantelament d'aquel fais de bordilha internacional. E un Hara Kiri a cada novèl director jornadièr qu'a pas entamenat lo desmantelament… Fotriá un bocin d'òrdre, non ?
Me'n aviso de la direccion de Tepco a la tv, qualques jorns après l'espetament : tot va ben, la situacion es sota contraròtle. Es subretot "sota", e gaire de "contraròtle". Lamentable. Mas nosautres, los pequins, se fem un escart, l'administracion nos mancarè pas...
Fa bèl brieu que lo govèrn Japonés auriá degut prene en carga aquela centrala nucleara. Los pescadors d'ailà son a pèrdre lo lor emplec e los peisses son a crebar: paura Tèrra ! La garadarem la Tèrra ?
Aprofecham de l'electricitat, del confòrt mas qual serà lo prètz de pagar ?
Qual monde per deman ?
Dins quala mèrda sèm ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari