40 escolans de quatrena e de tresena dels collègis Célestin Sourèzes de Requistar (Segalar Roergàs) e Eustache de Beaumarchais de Valença d’Albigés (Segalar Albigés) espèran de partir en viatge del 22 al 24 de mai. Per i arribar, an lançat una canhòta en linha sur la plataforma “Trousse à projets”, qu’es la plataforma de finançament collaboratiu de l’Educacion Nacionala francesa.

Podètz descobrir lo programa detalhat sus aqueste ligam e nos ajudar a aténher lo nòstre objectiu de collècta. Nos podètz tanben ajudar en parlant del projècte a vòstre entorn e en partejant lo ligam! Es en reünissent de dons pichòts qu’esperam de capitar la nòstra collècta.

La canhòta es en linha per encara 24 jorns. Comptam sus vosautres!

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…