Actualitats
An assassinat un cap indigèna de l’Amazonia peroviana
Victorio Dariquebe Gerewa, garda forestièr de la resèrva comunala Amarakaeri e membre del pòble originari harakbut-wachiperi
Tèxte legit
La rason del crime es pas encara pro clara, mas l’assassinat a generat una consternacion e un chepic màger dins la comunautat indigèna e ecologista de la region ont mai d’un collectiu an cridat a la justícia las autoritats, çò rapòrta Actualidad Ambiental, jornal environamentalista de Peró.
Dins un comunicat conjonch, aquestas entitats an demandat a las autoritats competentas d’assegurar que lo crime demòre pas impunit e que s’arrèste la violéncia contra los caps indigènas. Los ministèris de l’environament, de la cultura, de la justícia e dels dreches umans an condemnat l’assassinat, an exprimit lor simpatia a la familha e se son engatjats a punir los responsables.
Los assassinats de caps indigènas defensors de l’environament son frequents en America latina, mai que mai dels qu’aparan los dreches fonzièrs indigènas e organizan l’oposicion a de megaprojèctes industrials perilhoses per l’environament.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Les dictadures i les guerres no són el fonament de la política, sinó la degeneració de la política.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari