Au començament de la partida, i avèva 22 internacionaus suu terrenh. Tolosa  retrobèt un chic lo son jòc mès, n'es pas tanben la gran fòrma. Montpelhièr muishèt qu'es un gran deu Top 14. Lo hèit de la partida se joguèt a la vint-e-navau minuta dab l'expulson deu tolosenc Yoann maestri e deu montpelherenc Mamuza Gorgodze apres una peleja generau. Poderàn mancar a las dus còlas dens las setmanas a viéner. Per Montpelhièr serà enqüèra mei complicat dab la nafradura deu numero 9 Julien Thomas e sustot la pèrda de la quatau plaça au profieit de Castras vencedor de Baiona. Coma l'an passat, lo barratge se jogarà enter Castras e Montpelhièr. Los tarneses an decidit de jogar aquera partida a Tolosa.

 

Deu son costat Tolon assegurèt lo minimum a Lion per estar segur de recéber la còla deu Racing lo divés 25 de mai. Non qualificats l'an passat, Tolon a dus setmanas a víver d' intensitat de las bonas dab una finala europenca e un barratge. Mès ne cau pas per lo tribalh d'una annada en dus setmanas. Los racigmen vieneràn a Mayol shens nat pression après una annada complicada au nivèu interne dab la partença precipitada de Chabal e un cambiament d'entrenaires.

 

Biàrritz acabèt dissabte una sason de campionat de maishanta qualitat dab una victòria contra l'estadi francés. Sus aquesta partida podem concluir qu'es normau de ne pas véder l'estadi francés jogar las fasas finaus per la dusau annada consecutiva. Biàrritz ne serà pas un adversari a préner de haut en finau d'Amlin Cup. An la possibilitat de sauvar la lora sason.

 

A Begla se jogàva una partida de gran qualitat mès shens enjòc desempush la setamana darrèira. Begla es la bona suspresa de l'annada. 

 

Briva, davant au planchòt vint minutas, pensèt realizar un expleit mès la maquina clarmontesa demarrèt dens l'amira de preparar la semifinau. Era la darrèira partida a Michelin du tresau linha Alexandre Audebert, un gran jogaire de rugbi mau coneishut.

 

Tolosa 20-13 Montpelhièr (BD)

Castras 31-29 Baiona (BD)

Lion 5-29 Tolon 

Agen 25-22 Racing (BD)

Biàrritz 16-5 Estadi francés

Begla-Bordèu 37-29 Perpinhan

Clarmont (BO) 57-14 Briva
 

 

 

Tres de quate qualificats per las semifinaus d'accession en Top 14 son gascons.

 

Pau acaba second e torna trobar en barratge dus apres una la soa eliminacion contra Lion.

 

Sus lo bilanç de la sason son favorits contra la decepcion de l'annada la Rochèla. Un còp de mei los maritimes perduèren a l'exterior contra una còla d'Orlhac shens ambicion. N'es pas jamei aisit de tornar viéneren Top 14 apres una devarada. 

 

Lo Hameau serà caud dissabte 19 a 15h10. La Ròchela espera aqueth barratge desempush un moment.

 

Que díser de l'estadi Barbe d'Or a Mont de Marsan lo dimenge 20 a 18 h. Serà la finau deu campionat de las Lanas contra Dacs.

 

Lo Mont ganhèt contra Narbona ja en vacanças e Dacs tornèt de Bourgoin shens nat punt. Bourgoin es totjorn un gran club dab bon jogaires.

 

Com la Ròchela, Dacs ne jogarà pas a la maison, pr'amor perduren trop de punts a l'exterior. Lo chepic peu Mont serà la frescor fisica. En Pro D2, tots las cinc partidas èra previst una dimenjada de repaus. Dab lo maishant temps e dus partidas reportadas, l'estadi montés jogara la soa tretzau partida consecutiva.

 

La decepcion vien de Carcassona, eliminanada damb lo medish nombre de punts com la Ròchela. Vencedors de Bèziers n'an pas pres lo punt de bonus ofensiu. Uei poden plorar, dab aqueth punt que serén enqüera dens la corradura a la pujada.

 

Aush 14-17 Pau

Orlhac 35-14 La Rochèla

Bourgoin 27-12 Dacs 

Lo Mont 28-18 Narbona

Carcassona 47-45 Besièrs

Albi 35-29 Tarba

Oyonnax 23-6 Grenòble

Periguers 39-38 País d'Ais

	Equipa	Punts	J	G	R	P	B	Bp	Bc	Dif
1	FC Grenòble	105	30	22	1	7	15	727	398	329
2	S Pau	87	30	19	1	10	9	602	536	66
3	Estadi Montés	84	30	19	0	11	8	569	453	116
4	US Dacs	84	30	18	3	9	6	593	508	85
5	La Rochèla	81	30	18	0	12	9	668	563	105
6	US Carcassona	81	30	17	2	11	9	668	563	43
7	Sc Albi	72	30	14	0	16	16	630	633	-3
8	US Oyonnax	69	30	14	1	15	11	594	589	5
9	CS Bourgoin J	66	30	14	0	16	10	620	674	-54
10	FC Aush	65	30	14	1	15	7	489	557	-68
11	País d'Ais	63	30	12	1	17	13	658	682	-24
12	Tarba PR	61	30	13	0	17	9	561	646	-85
13	Estadi Orlhaqués	60	30	12	2	16	8	570	610	-40
14	RC Narbona M	59	30	12	0	18	11	550	654	-104
15	AS Besièrs H	46	30	9	0	21	10	499	673	-174
16	Ca Periguers	41	30	7	0	23	13	516	713	-197

Eric Goyhenne