Hè dus ans ara que se torna hèr un escambi occitanocatalan en familha a l’Isla de Baish. En abòr de 2023, escolans d’occitan recebón dins la lor familha correspondents catalans. Deu 21 au 26 d’abriu 2024, èran los joens lisleses qu’angón dins familhas gironinas. Aqueres viatges estón organizats per Nicolau Rei Bèthvéder e Sandrina Boussès, deu costat occitan, e de Marta Pasqual e Júlia Monte deu costat deu Principat. L’idèa, au delà deu castelhan e francés que tots estúdian, es de crear vertadèras amistats.

Aqueste escambi, que remonta a 2000, permet aus nòstes joens de véser los ligams pregonds qu’existishen entre aquestas duas lengas sòrs. Bastir Euròpa comença per comprénguer que los nòstes vesins nos semblan.

Tanben podón constatar las diferéncias e las semblanças de la situacion lingüistica catalana damb la nòsta: lo catalan se compreng facilament e, pr’amor que lo catalan es oficiau, la preséncia de la lenga cosina es plan mès fòrta que la nòsta.

Totun, se i a ja un vintenat d’annadas que l’occitan ei pas jamèi ua lenga familhau entaus escolans lisleses, aquò comença tanben a Girona, on lo castelhan es a devénguer la principala lenga de comunicacion entre joens, quitament se tots parlan catalan tanben.

Au delà de la participacion deus gironins aus corses deu licèu Josèp Savèrna de l’Isla de Baish e deus joens gascons a los de l’institut Narcís Xifra de Girona, estoc lo parat de visitar lo parçan. Los catalans visitèn Albi, damb E. Barta coma guida, Condom, Seviac, la Hala de las maquinas, e solide Tolosa. Los occitans vejón lo musèu de Dalí a Figueres, Empúries, Banhòlas, Besalú e lo vielh Girona.

Tot aquò èra dins l’encastre d’Erasmus +, volut per Euròpa, e pagat sancèrament per l’UE. En recéber lo lor correspondent, las familhas permetón de pagar pas arren.

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…