Actualitats
Er estat espanhòu qu’agranís era vida utila des ambulàncies a peticion deth Sindic d’Aran
Er estat espanhòu a decidit d’agranir era vida utila des veïculs sanitaris de 8 a 10 ans, a instàncies deth sindic d’Aran, Carlos Barrera. Era tramitacion que se hec a trauèrs deth Departament de Territòri e Sostenibilitat dera Generalitat de Catalonha e se presentèc en Senat peth grop de CiU en Madrid.
En bulhetin oficiau der estat espanhòu (BOE) Num. 180, pagina 55219, capítol 4u, article 32u, decretèc en tot referir-se as veïculs sanitaris:
Eth veïcul aurà d’èster matriculat e abiletat entà circular e non poderà superar era antiquitat de 10 ans, dempús dera sua prumèra matriculacion.
Alavetz, non sonque eth transpòrt sanitari depenent deth Conselh Generau d’Aran ei beneficiat d’aguesta mesura d’estauvi, senon tanben tot eth sector der estat espanhòu.
“Immergits en trabalh deth dia a dia, ath delà de recuperar era normalitat en toti es airaus, era Val d’Aran a agut ua alegria addicionau damb aguesta notícia” çò manifestèt eth Sindic d’Aran, Carlos Barrera.
Conselh Generau d’Aran
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Agranir la vita utila deus vehicules e agranar lo milhòc tà neurir las garias que son los dus fondaments d'ua vita urosa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari