Gric de Prat que ven de presentar lo son darrièr disc Aquitània qui amassa cinc títols deu son espectacle “Viatge en Aquitània”. Lo collectiu bordalés que hè víver la lenga, la cultura e la dignitat deu país per mejan de la musica, de las istòrias e de l’istòria dab musica, cants e racontes qui's responen, enter òbras classicas, de creacion e de tradicions de Gasconha. Luenh de presentar un passat d’adirèr, de nostalgia o de mau deu país, lo darrèr tribalh de Gric de Prat que miralha ua istòria rica en aviéner e torna la dignitat al país en presentant l’istòria dab un punt de vista de proximitat, luenh deu “roman nacionau” francés.

Compausat d'un qüatuor mixte e intergeneracionau, Gric de Prat qu'excelleish dens l'art de maridar los instruments de ger e de uei. Aquera combinason que permet au lor auditòri de víver un viatge intemporau e entosiasta. Despuish la soa creacion, la formacion qu'a produsit tres libes e sheis CD, e que's produseish regularament sus scèna dens la region . Lo lor darrèr album, disponible sus demanda, que hè pròva de la lor capacitat a fusionar tradicion e modernitat, auherint atau ua experiéncia unica a cada representacion.

Dab ua istòria pregondament ancorada au país dab ua obertura de cap a las culturas deu Monde, Gric de Prat que contunha de har víver e evoluir la cultura occitana prepausant espectacles rics en emocions e descobèrtas entà tots los publics.

GRIC DE PRAT. Aquitània. 5 títols
De comandar dab ua envelopa dab la vòsta adreça e un timbre per 50g. a: 
1, Bigardoy Sud, 33210 Prenhac
gricdeprat.com