Actualitats
Tolosa: evacuacions al centre vila pel risc d’esfondrament de bastissas
Las autoritats crenhon “una marselhizacion de la situacion”
Tèxte legit
Situacion inquietanta a Tolosa. Una seguida d'evacuacions d'immòbles a causa de risques d'esfondrament met en lum de problèmas de seguretat e d'insalubritat dins lo centre vila. Las autoritats crenhon “una marselhizacion de la situacion”.
Dimars passat, 21 de mai, los pompièrs evacuèron en urgéncia un bastiment près de la Plaça del Capitòli après un degalh de las aigas. Èra l'ochena evacuacion en dos meses, suscitant d'inquietuds creissentas demest los abitants.
François Piquemal (LFI) acusa lo cònsol màger Jean-Luc Moudenc (èx-LR) de laxisme, mentre que Claire Nison, encargada del dorsièr, assegura que la responsabilitat es dels proprietaris.
La vila prevei de metre en plaça un “plan de salvagàrdia e de mesa en valor” (PSMV) e un “permés de logar” per afortir las inspeccions e la seguretat dels lotjaments. Amb aquelas mesuras, cèrcan d’evitar una “marselhizacion” de la situacion, çò dison, e protegir lo patrimòni tolosan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari