Actualitats
Es mòrt l’estudiant agredit divendres a Marselha
Lo presumit agressor es estat interpellat
Lo jove estudiant escotelat divendres de ser a Marselha, moriguèt ièr a l’Espital Nòrd de la ciutat focèa, a la seguida d’una emorragia fòrça imoportanta.
Jérémie Labrousse, originari de Lorena, estudiava a l’escòla de comèrci Euromed Management. Divendres quitèt son grop d’amics a l’andana de Gambetta per anar a la gara de Sant Carles aculhir una amiga qu’arrivaba en tren. A mièg camin foguèt atacat.
Mantas enquèstas se son fachas als ocupants del bar Le Français, del baloard d’Atènas, ont Jérémy i intrèt just après l’agression. Aguèt solament lo temps de dire son nom e que veniá d’èsser agredit. Amb la man teniá lo còl per ont s’escolava plen de sang. Foguèt sul pic menat a l’Espital Nòrd de Marselha.
An pas trobat lo telefon mobil de la victima, per çò que los enquestaires escartan pas l’idèa d’una batèsta provocada per qualque un que li voliá raubar l’aparelh. Ça que la, los enquestaires trabalhan sus d’autras ipotèsis coma per exemple l’acte d’un desequilibrat mental. Son a seguir la geolocalizacion del telefon mobil de Jérémy Labrousse.
Las camèras de videosusvelhanca del baloard d’Atènas aurián pas captat la scena de crim mas captèron ben la fugida de l’agressor. Se vei un òme que partís en corrent. La polícia cerca de testimònis.
Lo ministre de l’Interior, Manel Valls, anoncèt en un comunicat que lo presumit assassin de Jérémie es estat interpellat. “L’enquesta menada sens relambi pels policièrs jos l’autoritat del procuraire de la Republica permetèt d’indentificar e d’interpellar ièr ser [dissabte ser] l’autor presumit d’aquest acte murtrièr, gràcias a la difusion a totes los equipatges de sa fotografia gessida de la vidèoproteccion sus la via publica. Manifestament e grèument desequilibrat, l’autor presumit farà l’objècte de suenhs psiquiatrics sens consentiment. Pertanhèra egalament a la justícia d’estatuar sus son sòrt”, çò declarèt lo ministre.
Jérémie Labrousse, originari de Lorena, estudiava a l’escòla de comèrci Euromed Management. Divendres quitèt son grop d’amics a l’andana de Gambetta per anar a la gara de Sant Carles aculhir una amiga qu’arrivaba en tren. A mièg camin foguèt atacat.
Mantas enquèstas se son fachas als ocupants del bar Le Français, del baloard d’Atènas, ont Jérémy i intrèt just après l’agression. Aguèt solament lo temps de dire son nom e que veniá d’èsser agredit. Amb la man teniá lo còl per ont s’escolava plen de sang. Foguèt sul pic menat a l’Espital Nòrd de Marselha.
An pas trobat lo telefon mobil de la victima, per çò que los enquestaires escartan pas l’idèa d’una batèsta provocada per qualque un que li voliá raubar l’aparelh. Ça que la, los enquestaires trabalhan sus d’autras ipotèsis coma per exemple l’acte d’un desequilibrat mental. Son a seguir la geolocalizacion del telefon mobil de Jérémy Labrousse.
Las camèras de videosusvelhanca del baloard d’Atènas aurián pas captat la scena de crim mas captèron ben la fugida de l’agressor. Se vei un òme que partís en corrent. La polícia cerca de testimònis.
Lo ministre de l’Interior, Manel Valls, anoncèt en un comunicat que lo presumit assassin de Jérémie es estat interpellat. “L’enquesta menada sens relambi pels policièrs jos l’autoritat del procuraire de la Republica permetèt d’indentificar e d’interpellar ièr ser [dissabte ser] l’autor presumit d’aquest acte murtrièr, gràcias a la difusion a totes los equipatges de sa fotografia gessida de la vidèoproteccion sus la via publica. Manifestament e grèument desequilibrat, l’autor presumit farà l’objècte de suenhs psiquiatrics sens consentiment. Pertanhèra egalament a la justícia d’estatuar sus son sòrt”, çò declarèt lo ministre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Las vòstras observacions nos menan, Joan-ives, cap a un autre questionament. A qué servisson vertadièrament presons e clinica psiquiatircas. E pensi que la responsa es plan luènh d'èsser simpla.
I mau d'una mena de contravenents. :
1) Los malauts psiquiatrics caracterizats après punt de vista medical avisats.
2) Los contravenents perfaitament senuts e que, fredament, concebon de mal far contra los autres pel sieu profièit personal, e plena possession de sos mejans mentals… (mas curiosament, aquò correspond a una descripcion fòrça classic dels òmes e femnas d'afars, e tanben dels piliticians : lo perfil de "psiquopata").
3) Los que patisson dins sa psiquèa pendent un bocin de temps limitat, en rason d'un drama momentanèu… (drama passional)
4) Los que son opausants a un sistèmi politic ferrolhat (çò que los poders en plaça apèlan de "terroristas").
5) Los que transgrèssan la lei (per trobar lèu lèu fòrça moneda) per amor que son dependents de subtàncias illicitas psiquotròpas a fòrt poder adictiu, e que lor fa perder l'èime tre que ne mancan.
6) Los que trangrèssan la lei per amor qu'an pas trobat res mai per sortir de la misèria (çò que constituís lo terrador ideal de recrutament per las mafias)
Segon la mena de contravenents, lo poder e sa "justícia" botrarà mailèu los unes o los autres d'un costat (preson) o de l'autre (clinica tampada). E pr'aquò, las causas son luènh d'èsser simplas.
Podèm ficar en preson un "terrorista basc" pendent trenta ans. Quand sortirà, sempre serà basc, sempre serà independentista, sempre pensarà que çò que faguèt "contra la lèi", o caliá far.
Aqui, lo tuaire de l'estudiant, s'es malaut mental. d'una malautiá que non se pòt curar, qué ne farem ? Lo daissarem anar per carrièras per que cometa un autre cirimi coma aqueste ? O lo daissarem embarrat entre quatre parets d'una clinica psiquiatrica fins a sa mòrt ? Tant val dire en infèrn ? Sa fauta ? Estar malaut…
Pensi ieu que la societat contemporanèa bota los unes en preson e los autres en clinica tampada, non pas per far venir "melhors" los que serián "marrits", mas son que per se desembarrassar dels problèmas que non vòl (socialament) o non pòt (medicalament) resòlver.
« Desequilibrat » qu’ei ua apreciacion generau qui ne ditz pas arren suu son nivèu de responsablitat.
« Assassinat » en francés que supausa, ce crei, ua premeditacion (en occitan sèi pas, mes que serà lhèu parièr).
Lo dret que reconeish malaudias mentaus qui hèn lo malaut incapable de compréner la gravitat deus sons agís. Pr’amor d’aquò los jutges que prenen l’avís deus psiquiatres abans d’estimar la responsabilitat deu murtrèr.
A jo tanben que’m sembla sovent ua desencusa aisida, la de la holia ; e totun que cau diferenciar lo qui tua per interès, hredament, en sabent exactament çò qui hè, e lo qui ei violentàs pr’amor qu’ei malaut.
Autament, un esquizofrène e un Brejvik o un Merah, que seré parièr.
Be podem opinar e calcular, mes fin finau non i aurà pas sonque lo debanament normau deu procès qui’ns poishqui enclarir.
Ua causa b’ei segura : s’ei responsable, que’u cau hicar au sot. Se ne n’ei pas, que’u cau embarrar e suenhar. Mes diu vivant ! que ne l’anin pas alargar dinc i torni ! Lo dret taus pècs dangerós d’estar tractats umanament ne deuré pas includir lo dret d’anar coterar lo monde per carrèra. Pr’amor d’aquò que’s ditz « hòu embarradèr ».
#4
Sèm doncas d'acòrdi ja qu'ai pas jamai pensat a la venjança.
Cadun, emai los piègers salopasses, ten dreit a una justícia equitabla.
#3 L'avenjança es pas jamai estada la justícia (se que non dins los filmes americans). Un assassinat sus un inocent es una salopariá. O podèm pensar sens resèrva. Mas s'agís son que de jutjar l'acte, e non pas l'actor, que sèm pas dins lo sieu sicap per saber çò que s'i passa, ni mai çò que s'i passèt.
#2
Bonjorn Amalric de Montreal
Me sembla pas qu'aja dit qu'èri un expèrt. Avètz legit aquò vos?
Per contra m'estimi competent per dire que l'assassin d'un drollet es un salopàs quinas que sián las circontàncias. Un assassinat es un assasinat e un assassin es un assassin. S'es malaut, se'n anarà a l'espital psiquiatric. S'es sanitós anarà a la preson. Mas la realitat dels actes es pas cambiada per aquesta incidéncia: un jovenet es estat tuat. Lo perfil d'un assassin e son estat de santat mentala càmbia pas res a l'acte de tuar. La victima es mòrta ara e pauc li fa que son escotelaire foguèsse malaut o en bona santat.
Es pas a ieu que devètz exprimir la vòstra umanitat per l'assassin. La devètz puslèu anar exprimir als sieus parents e ensajar de l'explicar tanben als parents de la victima.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari