Actualitats
Amsterdam a fach ondejar de bandièras LGTB pendent la vesita de Putin
La municipalitat ne faguèt penjar sus totes los pals de bandièra de la vila
De milièrs de bandièras amb las colors de l’arcolan, qu’ondejavan per tota la vila d’Amsterdam, recebèron dissabte passat lo president rus, Vladimir Putin, en sa vesita a la vila, dins to torn que fa per Alemanha e los Païses Basses. Russia a aprovat una lei contra la propaganda omosexuala entre menors d’edat, que prevei de multas e l’expulsion del país en cas d’estrangièrs. Las criticas internacionalas contra la violacion dels dreches dels gais, lesbianas, bisexuals e transexuals (LGTB) en Russia se multiplican, e fa qualques jorns se denoncièt la mòrt d’un gojat en mans d’un grop neonazi que se vanta pels rets socials de vexar e de torturar de gais.
La responsa de la Comuna d’Amsterdam a la vesita de Putin es estada de li far veire de bandièras LGTB per totas las carrièras. “Avèm una comunautat gai fòrça nombrosa e volèm metre en evidéncia que dins la nòstra vila totas las personas pòdon viure coma vòlgan e èsser elas meteissas. Nos volèm assegurar que totes comprenon aquò, tanben los nòstres aliats”, çò expliquèt la consolessa adjoncha, Andrée van Se.
La vesita de Putin se debanèt dins l’encastre de la celebracion dels 400 ans d’amistat entre Russia e Olanda.
La responsa de la Comuna d’Amsterdam a la vesita de Putin es estada de li far veire de bandièras LGTB per totas las carrièras. “Avèm una comunautat gai fòrça nombrosa e volèm metre en evidéncia que dins la nòstra vila totas las personas pòdon viure coma vòlgan e èsser elas meteissas. Nos volèm assegurar que totes comprenon aquò, tanben los nòstres aliats”, çò expliquèt la consolessa adjoncha, Andrée van Se.
La vesita de Putin se debanèt dins l’encastre de la celebracion dels 400 ans d’amistat entre Russia e Olanda.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
OOOOOOOOOOOOOOOOOh yeah!
E a Canfranc la setmana passada qu'èra lo drapèu republican qui èra dreçat sus la plaça au lòc deu drapèu oficiau de l'Espanha.
Que i a drapèus mei simpatics que d'autes.
(lo drapèu espanhòu actuau qu'ei lo deus faishistas pendent la guèrra civila, b'ei aquò?)
An de coratge e de fetge a Amsterdam !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari