Actualitats
Macron a dissolguda l’Assemblada Nacionala francesa fàcia a la victòria sens precedents de l’extrèma drecha
Sembla que la banalizacion del faissisme e l’antieuropeïsme s’anen impausant pertot en seguida de las eleccions europèas
Tèxte legit
I aurà d’eleccions legislativas anticipadas dins l’estat francés aquestes 30 de junh al primièr torn e 7 de julhet al segond torn. O anoncièt ièr dimenge a 21 oras picantas lo president francés, Emmanuel Macron, en seguida dels primièrs resultats de las eleccions europèas, dins las qualas lo Recampament Nacional (RN) de Marine le Pen a largament dominats los primièrs comptatges dels sufragis en fasent un resultat istoric.
Macron assegurèt qu’el se podiá pas “resòlver a la montada dels nacionalistas e dels demagògs” e “far coma se res s‘èra pas passat”. Aital anoncièt la dissolucion de l’Assemblada Nacionala francesa per convocar de legislativas, malgrat la proximitat dels Jòcs Olimpics que se tendràn a País del 26 de julhet a l’11 d’agost e que son ja a tresvirar totes los cantons de la Republica.
Mentre qu’esperam lo resultat definitiu de las eleccions al Parlament Europèu, tot sembla d’indicar que la banalizacion del faissisme s’es impausada, e que las drechas e l’antieuropeïsme s’impausan dins la majoritat dels estats de l’Union.
De seguir lo comptatge dels vòtes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E de credar :'au fascisme, au fascisme, au fascisme; la maison vai s'esbolhar, la maison vai s'esbolhar...Quò es la fauta au Parlament frances qu'a obligeat Macron a utilisar lo 49-3..;"
Mas la presidença de Macron es considerada coma la mai autoritaria de la Vème Republica.
Macron n'en volan pus. Macron defòra. Quò es pas solament lo pòple que zo dich mas tanben l'Argent, lo partit de l'argent qu'es au-dessus de tots los que governan. Van se debarrassar de Macron coma de la presidenta de la commission europenna que son accusas d'aver fach de las casseròlas per fin finala aver daus governaments qu'aja una presentacion pus respectuosa. D'aqui porria laissar la crisa economica eclatar e se presentar en salvador dins una dietzena d'annas e benleu far un partit fascite tot coma en 1928.
Mas la situacion es differenta de 1928.
De mai, l'òm festera la brava vesta de l'esquerra e de l'ecologia. Tots los discors son a repensar.
Perqué l'om a permis a l'esser uman qu'era nud sur terra a tastar l'aubre de la coneissença?
A partir d'aqui poguet far emben la cultura dau lin, daus abits, daus abris per ameliorar sas condicions de vita e daus utils emben la coneissença dau metau.
Emben l'utilh e lo metal l'esser umain s'en serviguet per far de las armas e poget s'emparar daus afars d'un autre. De las milieras d'annadas pus tard, l'esser uman avia fabricat los glaives, puei los chars, las bomba atomica.
Mas perqué avem permetut a l'esser uman de se servir de l'utilh per crear lo mau sur terra e que l'avem pas prevengut qu'emben l'utilh avia lo poder de far lo plan e lo mau? Es la sola question à se pausar, uei. Perqué la tecnologia es pas au servici dau ben?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari