Actualitats
Que ne far, de Bregançon?
Es la residéncia oficiala de vacanças dels presidents de la Republica Francesa. François Hollande i anèt per lo primièr còp après son eleccion, mas sembla que lo luòc li desplaguèt
François Hollande a pas volgut passar sas vacanças a Bregançon (Mauras) mas a la residéncia de La Lanterne, dins lo domeni del castèl de Versalhas (França), que De Gaulle i faguèt una residéncia oficiala dels presidents de la Republica Francesa en 1968.
Bregançon es un castèl del sègle XVII plaçat sus un illòt rocós, dins la mar, davant la còsta de Bòrma dei Mimòsas (Tolonenc), abans las Illas d’Ieras. A l’ora d’ara es la residéncia oficiala de vacanças dels presidents de la Republica Francesa. François Hollande i anèt per lo primièr còp après son eleccion, mas sembla que lo luòc li desplaguèt. Al delà dels paparazzis que son totjorn sus la còsta de Bòrma dei Mimòsas, “Bregançon es ben, levat qu’òm i es embarrat coma a l’Elisi. Mas èsser en vacanças, es se poder escapar, èsser liure”, çò contava lo president francés als jornalistas en julhet.
L’illòt a son elipòrt privat, sa plaja privada e tot lo confòrt, mas rèsta quasi vuèg tota l’annada. Es regularament entretengut e susvelhat per un parelh de gardians. Sa mantenença còsta 226 150 èuros per an, segon un rapòrt de la Cort dels Comptes de 2008. E mai s’es pas un montant astronomic pels comptes de l’estat, sèm en temps de crisi e l’Elisi a pensat de se separar de Bregançon.
E mai se qualque deputat prepausa de vendre lo fòrt, segon Le Parisien l’Elisi vòl pas abandonar lo castèl al domeni privat; pensa puslèu a divèrsas opcions coma lo transformar en una residéncia pels caps d’estat estrangièrs o far del fòrt una sòrta de musèu de la 5a Republica.
Bregançon foguèt logat per l’Estat a doas familhas entre 1919 e 1963.
Bregançon es un castèl del sègle XVII plaçat sus un illòt rocós, dins la mar, davant la còsta de Bòrma dei Mimòsas (Tolonenc), abans las Illas d’Ieras. A l’ora d’ara es la residéncia oficiala de vacanças dels presidents de la Republica Francesa. François Hollande i anèt per lo primièr còp après son eleccion, mas sembla que lo luòc li desplaguèt. Al delà dels paparazzis que son totjorn sus la còsta de Bòrma dei Mimòsas, “Bregançon es ben, levat qu’òm i es embarrat coma a l’Elisi. Mas èsser en vacanças, es se poder escapar, èsser liure”, çò contava lo president francés als jornalistas en julhet.
L’illòt a son elipòrt privat, sa plaja privada e tot lo confòrt, mas rèsta quasi vuèg tota l’annada. Es regularament entretengut e susvelhat per un parelh de gardians. Sa mantenença còsta 226 150 èuros per an, segon un rapòrt de la Cort dels Comptes de 2008. E mai s’es pas un montant astronomic pels comptes de l’estat, sèm en temps de crisi e l’Elisi a pensat de se separar de Bregançon.
E mai se qualque deputat prepausa de vendre lo fòrt, segon Le Parisien l’Elisi vòl pas abandonar lo castèl al domeni privat; pensa puslèu a divèrsas opcions coma lo transformar en una residéncia pels caps d’estat estrangièrs o far del fòrt una sòrta de musèu de la 5a Republica.
Bregançon foguèt logat per l’Estat a doas familhas entre 1919 e 1963.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Paraula presidenciala : « Mas èsser en vacanças, es se poder escapar, èsser liure… » Tant val dire qu'èsser al trabalh, aquò es plan èsser presonièrs ! Es per aiçò que cal abolir lo salariat, nom modèrne de l'esclavatge !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari