Un brave legeire que’ns senhala la suspresa qu’a aguda de trobar, en se passejar suu sit deu Huffpost, la carta d’aquiu dessús qui amuisha las circonscripcions on la lista deu president Macron a las eleccions europèas ei arribada prumèra o dusau dab la mira d’aver ua idèa de çò qui pòt aparéisher a las eleccions legislativas qui vienen.

Que’n podetz jutjar, tirat un troçòt deu Daufinat, de Savòia, deu Bascoat e de tot lo territòri de Catalonha Nòrd, qu’avem devath los uelhs ua carta d’Occitània quasi perfèita. Ei lo frut de l’azard o lavetz la consequéncia de pregons factors culturaus? A véder e a horadar. Per ara, la coïncidéncia que demora curiosa.

Àudio generat per votz.eu