Actualitats
Poutou manifèsta son sosten a l’occitan e las autras lengas autoctònas mespresadas
Es en favor de modificar l’article 2 de la Constitucion francesa, de melhorar l’ensenhament de las lengas autoctònas, de permetre los prenoms dins lors ortografias respectivas e de lor autrejar una preséncia dins los mèdias
Tèxte legit
Philippe Poutou, èx-candidat de l’NPA (Nòu Partit Anticapitalista) a las presidencialas francesas de 2017 e 2022, ara candidat en Carcassés de la coalicion d’esquèrra Lo Nòu Front Popular, a manifestat son plen sosten a las revendicacions del collectiu Per Que Viscan Nòstras Lengas (PQVNL), e, explicitament, se declara en favor de modificar l’article 2 de la Constitucion francesa qu’empedís la lenga nòstra e las autras lengas autoctònas mespresadas d’èsser tractadas dignament.
Interrogat pels militants Alan Roch e Anaël Garcia-Drieu, Poutou a d’efièch manifestat son sosten a l’ensenhament de las lengas autoctònas, a la libertat dels parents de causir lo prenom de lors mainats amb l’ortografia adeqüata e a la preséncia dins los mèdias de totas aquelas lengas encara mespresadas per l’estat francés.
Lo rescontre, fach en francés e en occitan, s’es publicat en vidèo suls rets socials.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Al fial" lo Poutou ? De qu'es aquesta galejada ? Quand espepissatz lo percors e lo pedigree politics del gus (basta un agach sus wikipédia per exemple) trapatz pas la MENDRA allusion o referència a un combat per la lenga occitana. Son pas que messorgas oportunistas !
Lo Poutou es al fial del problèma. Aprèp al NPA, i a pas de position comuna coma dins plan de partits
De que propauset per l'occitan, lo Poutou, del temps qu'èra a la comuna de Bordeu ...?
De que faguèt Hollande a Tula per la cultura nòstra ? ..benlèu quatre potons, un jorn, a una genta lemosina en còfa e esclòps...
Rastela que rastelaràs ! Aquel aparisenquit parla pas un mot d'occitan mas es à mand de tot promètre emai lo mai improbable per rastelar unes vots. "Et votam Frente Popular" coma ditz penecosament aquel, eh? Om i crei pas una segonda à n aquel oportunisme !
Poton primièr ministre !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari