Sindicat mixte per la Modernizacion numerica e l'Engenhariá informatica de las Collectivitats e establiments publics Aderents (SMICA) recomanda d'evitar l'occitan dins la nominacion dels noms de carr
Aquela informacion m'a trucat ! Soi indignat, nafrat, escandalizat.
Coma evitar l'occitan en Roergue ? Es impossible. Tot lo departament d'Avairon banha o a banhat dins aquela lenga.
Coma se pòt recomandar aquò ? Es de genocidi cultural ! Es l'esfaçament d'una cultura millenària inscricha fins dins las pèiras de las parets, los camps, los bòsques e los ròcs. Lo podètz pas esfaçar d'un trach de pluma. Devètz per aquò negar los locutors d'occitan, encara plan presents dins nòstre departament. Devètz per aquò negar los escrivans grands de lenga d'òc de Roergue, BODON, MOULY, BESSON, PEYRÒT... fins a "Flamenca", primièr roman occitan, del Mejan-edat, escrich per un monge provenent probablament de la region de Nant en val de Dorbia. Frederic Mistral, prèmi Nobel de literatura... getat al bordilhièr ? En fasent aquò lo SICMA va anar "escupir sus (los) tombas" de totes nòstres ancessors per losquals l'occitan èra la lenga mairala ! Qual mesprètz ! Es grèu ! Es un crimi cultural ! Vos prègui de demandar al Sénher Jean-Louis GRIMAL, president del SMICA, de suprimir lo mai lèu possible aquela recomandacion negacionista e racista.

Coma que, la lucha a mort contra l'occitan es pas unencament lo fach de l'extrèma-drècha, es aquel de l'Estat prigond, QUINA QUE SIA sa color politica. Es totjorn bon d'o rementar per aqueles que l'aurian pas encara encapat : quand sias encadenat la color de la cadena cambia res a l'afar !