"Si los candidats occitanistas z-aguèsson una vision mai larja que mas "occitan, occitan, e occitan", l'occitanisme siriá mai reconegut dins l'espací politic".

Los que dison aquò vòlon pas gaitar la vertat en fàcia.

La vertat per l'occitanisme politic es la meteissa que per l'occitanisme en general, "çò que se vei pas existís pas", tot simplament.

França Bleue Occitanie voliá pas de cançons en occitan dins la sola praubòta emission amb un pauc d'occitan de sa grasilha, ara vòl pas pus d'aquela emission. De tot biais, las radiòs franchimandas passan cançons de tota mena, mai que mai en anglés o en francés, mas tanben marginalament en espanhòu, italian, portugués, alemand, quitament en zolo ("Jerusalema"), en romanés ("Dragoistea din tea") o en corean ("Gangnam style"), mas susquetot pas en occitan ! JAMAI !

Pr'amor qu'es plan conegut, en musica coma en politica, l'occitan, "aquò existís pas" !!! donc una radio pòt pas passar una cançon "en una lenga qu'existís pas" (l'occitan), e un jornalista politic que segís una eleccion pòt pas s'interessar a un candidat "qu'existís pas" (un Occitan).

Per la meteissa rason, los medias passan pas cançons dels nombroses artistas occitans, e fan pas d'entrevistas de las candidaturas occitanistas per coneisser lor posicion rapòrt a la refòrma de la retirada, de l'environament o sus la question de l'immigracion. Pausan pas las question rapòrt als enjòcs màgers de la societat a candidats qu'exitisson pas (e òc : se dison "Occitans" !!! doncas, "existisson pas !!!") coma passan pas de cançons cantadas en una lenga qu'existís pas.

Après, portar un gròs partit del sistème jacobin "pr'amor que los sòcis locals o son pas", vist que en fasent aquò, de tota faiçòn, es balhar lo poder a lor encadrament, jacobin el... Ieu, apeli aquò "d'alienacion" ! o se tirar una bala dins lo pè.

@Romegaire
Benliau que, coma z-o ditz @Lachaud, si los candidats occitanistas z-aguèsson una vision mai larja que mas "occitan, occitan, e occitan", l'occitanisme siriá mai reconegut dins l'espací politic. Quo-es vrai que, d'efeit, n'i a una invisibilizacion per los mèdias francimands, mas bon, quo-es bien de rondinar tota la jornada que "sèm pas pro representats", n'i a un moment que si z-as pas mai de vision politica que "OCCITAN", niràs pas pro luenh coma quo. Quo-es tipicament le cas per un partit coma le Partit Occitan, que tenon pas de projècte politic solide.
N'i a un moment maitot que fau rrestar de totjorn rondinar contra tota los partits de França que son pas pro occitanistas o que son jacobins. Quo-es vrai per las tèstas parisianas daus partits, mas pas per la basa militanta, ni mai per un bon pauc d'elegits locaus.
Per exemple, LFI (booooo LFI !!!), tène un bon pauc d'amics de chas LFI, e ben vos pòde dire que son pas jacobins e que son interessats quand parle d'occitan e de lingas regionalas, e quo comenca de dintrar dins la tèsta. Tène bon esper que dins quauques temps, la FI auvernhata sirà pro-occitana. La realitat quo-es que localament se'n fòton un pauc dau biais de veire de Melenchon sobre las lingas regionalas e son jacobinisme. Per ce que la realitat quo-es que sovent, sabon pas de qu'aquo-es, e que d'explicar, dins 99% daus cas, fai aderar !
Quo-es ironic de se dire anti-centralista e de totjorn espiar de que pensan las tèstas parisianas, sens parlar mé los militants locaus.
Alòrs pro de rondinaments, aora fau parlar mé los militants dau caire, fau s'escotar, fau convincer de l'occitan, se farjar una vision politica mai larja, e pas demorar dins son micro-mitant occitano-occitanista, quo-es coma quo qu'anèm faire capitar nòstra linga !

E obledatz pas de votar Front Popular queste dimenche, que z-es ce que n'i aurà de mai benefic per nòstras lingas, e sobretot, tota la rèsta !

@Paciènça e longor de temps... Es vertat. Lo FN fasiá pas que 0,74% a las presidencialas de 1974... en aver equitat de tractament mediatic ! es a díser amb l'accès a la television nacionala del Joan-Marie Le Pen per i presentar son programa.

Mentre qu'en 2024, la propaganda mediatica franchimanda foguèt d'un costat de "far baratge a la pujada de l'extrèma-drecha", e quitament "Jornalet", aquò figuèt lo mot d'òrdre del media occitan, de raligar l'union de l'esquèrra franchimanda, mentre que de l'autre, de longa lo Boloré amb sos medias de fa la propganda de la dicha extrèma-drecha.

Fin finala, sèm plan aluenhat de la presidenciala de 1974 ont los candidats avián drech al meteis tractament, ont existava la deontologia, ont la television èra tenguda de far passar TOTES los candidat, çò qu'explica qu'un inconegut a l'epòca coma Joan-Marie Le Pen a agut accès a la television coma Mitterrand e Giscard, çò que l'a permés d'obténguer l'escòre de 0,74%...

Senon, los avètz vists los candidats aoccitanistas de 2024 a la television ? e avètz legit endacòm d'articles centrats sus tala o tala autra candidatura occitanista, quitament dins un quite media occitanofòn ? NON ! a una o doas excepcions près, PAS RES ! boicot quasi total d'aquelas candidaturas occitanistas listadas aquí ! res a la television, quasi res dins la quita premsa locala ! ... e coma seriá possoble d'èsser present al segond torn coma occitanista quand tota la propaganda mediatica a manipulat l'opinion, en se focalisar sus l'enjòc ultra-drecha VS barratge a n'aqueta ultra-drecha per l'aligança macronista O l'union d'esquèrra jacobina ?

Pasmens, sens nat article de premsa, de segur quitament sens nada evocacion a la television francesa de la preséncia de candidaturas occitanistas, d'unes obtenon d'escòres coma 3,17%, 2,70%, 2,45%, de facto quatrena fòrça politica de lors circonscripcion !!! en saber que las tres autras aguèron, elas, fòrça articles de premsa centrats sus lors candidaturas e debats a las cadenas regionalas "entre los tres candidats màgers"...

D'un aute biais, se en amont los quite medias avián dicidit de qui seràn las tres candidaturas màgers, forçalament, aquò vòl díser que la campanha electorala de 2024 èra biaisada ! çò qu'èra pas lo cas per exemple a las presidenciala de 1974 ont TOTES los candidats an agut accès a la television ambe lo meteis temps de paraulas. Pas en 2024 !!! En 2024, una candidatura occitanista per definicion es una candidatura que passarà pas a la television nacionala francesa.

Cal pas oblidar qu'aquestas candidaturas occitanistas foguèron boicotadas pel debat public que s'es focalizat exclusivament sus "la pujada del dangièr del RN, que la solas responsas possiblas, t'èran sia lo baratge republican centra-drecha macronista e sos a ligats o l'union de l'esquèrra".

E be malgrat aquò, aquelas candidaturas occitanistas an capitat pel primièr còp de l'istòria d'arribar en 4ena posicion pertot ont èran presentas !!! fòra de segur las qu'avián pas o pas pro de bulletins vist que las candidaturas occitanistas an pas lo meteis mejans que los gròsses partits franchimands.

Malgrat aquò, s'impausar coma la 4ena tendéncia politica en Occitània, respècte !!! es quicòm de novèl per pas díser istoric, e mercés a n'aqueste article, se pòt veire aisidament la neta progression entre 2022 e 2024, a l'excepcion de segur dels candidats qu'an pas agut la totalitat dels bulletins en 2024 pr'amor d'una campanha mal organizada dins l'urgéncia, qu'es la rason reala de la baissa de l'escòre entre 2022 e 2024 sus una meteissa circonscripcion.