Actualitats
Lo primièr ministre norvegian fa lo taxista incognito
Lo vidèo fa partida d’una campanha per las eleccions del mes que ven
Amb l’unifòrme de taxista, lo primièr ministre norvegian Jens Stoltenberg se metèt al volant e menèt un taxi per las carrièras d’Òslo per fin de “conéisser melhor las opinions dels ciutadans”. La veitura èra esquipada amb de camèras amagadas per emplegar posteriorament las reaccions dels passatgièrs, s’eles ne balhavan lor consentiment.
“Es important per ieu de saber çò que pensan las gents de verai, e se i a qualque luòc ont lo mond dison çò que pensan aquò es un taxi”, çò diguèt Stoltenberg.
Los vidèos s’enregistrèron una serada de junh e es ara que se son difonduts, pr’amor que l’iniciativa s’enquadra dins la campanha politica de las eleccions parlamentàrias del 9 de setembre.
“Es important per ieu de saber çò que pensan las gents de verai, e se i a qualque luòc ont lo mond dison çò que pensan aquò es un taxi”, çò diguèt Stoltenberg.
Los vidèos s’enregistrèron una serada de junh e es ara que se son difonduts, pr’amor que l’iniciativa s’enquadra dins la campanha politica de las eleccions parlamentàrias del 9 de setembre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Imaginatz, lo Manuel Valls a mand de menar lo vòstre taxi, e que vos escota donar lo vòstre punt de vista subre la politica linguistica e culturala de França…?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari