Actualitats
D’atacs entre Gaza e Israèl qualques oras abans de reprene las convèrsas de patz
Las negociacions arriban tanplan l’endeman de la liberacion de 26 presonièrs palestinians e d’un plan per de nòvas installacions de colons israelians
L’armada israeliana a bombardat per aire lo nòrd de Gaza, en responsa al lançament de dos projectils. Los atacs se debanavan qualques oras après que las autoritats israelianas liberèsson 26 presonièrs palestinians, qualques oras abans la represa de las convèrsas de patz entre Israèl e Palestina, que fasiá tres annadas que s’èran arrestadas.
E mai se los dos projectils lançats pels palestinians toquèron un airal non abitat de la Lista de Gaza, sens far de damatges ni de ferits, lo pòrtavotz de l’armada israeliana, Peter Lerner, anoncièt que l’armada contunhariá d’agir “per salvagardar los civils israelians e combatre l’infrastructura terrorista de la Lista de Gaza”.
Qualques oras abans los atacs, Israèl aviá liberat 26 presonièrs palestinians. Es lo primièr grop de 104 presonièrs qu’Israèl s’es engatjat de liberar coma gèst cap als palestinians en relacion amb las convèrsas de patz que se reprenián ièr.
Mai d’installacions de colons e un nòu ensag de patz
A la fin de julhet de representants de las doas parts s’amassèron a Washington, mas èra ièr dimècres que començavan las convèrsas entre de nauts representants a Jerusalèm. Tot bèl just, dimars, lo Ministèri de l’Interior israelian aprovèt un plan per bastir 890 apartaments a Gilo, una installacion del sud de Jerusalèm dins lo territòri cedit als palestinians. Dimenge lo govèrn israelian decidiguèt tanben d’accelerar l’edificacion de 1200 ostals en d’installacions de Cisjordania e de Jerusalèm Èst, tanben dins lo territòri cedit als palestinians. L’Organizacion per la Liberacion de Palestina (ÒLP) acusa Israèl d’ensajar de torpilhar las negociacions de patz.
John Kerry, lo secretari d’estat estatsunidenc, qu’impulsèt la represa de las convèrsas, a ensajat de minimizar aquela nòva colonizacion e insistís sus l’urgéncia de negociar: “Los Estats Units considèran totas las colònias illegitimas. Avèm trabalhat intensament amb los palestinians per capitar que totes comprengan coma deu èsser lo camin tre ara. E cresi qu’aquò fa mai evident lo besonh de se sèire lèu davant la taula de las negociacions”.
Aqueles mots de Kerry cèrcan de calmar lo president palestinian Mahmud Abbas, que mostrèt son malèsser e mai se confirmèt qu’assistiriá a la reünion.
E mai se los dos projectils lançats pels palestinians toquèron un airal non abitat de la Lista de Gaza, sens far de damatges ni de ferits, lo pòrtavotz de l’armada israeliana, Peter Lerner, anoncièt que l’armada contunhariá d’agir “per salvagardar los civils israelians e combatre l’infrastructura terrorista de la Lista de Gaza”.
Qualques oras abans los atacs, Israèl aviá liberat 26 presonièrs palestinians. Es lo primièr grop de 104 presonièrs qu’Israèl s’es engatjat de liberar coma gèst cap als palestinians en relacion amb las convèrsas de patz que se reprenián ièr.
Mai d’installacions de colons e un nòu ensag de patz
A la fin de julhet de representants de las doas parts s’amassèron a Washington, mas èra ièr dimècres que començavan las convèrsas entre de nauts representants a Jerusalèm. Tot bèl just, dimars, lo Ministèri de l’Interior israelian aprovèt un plan per bastir 890 apartaments a Gilo, una installacion del sud de Jerusalèm dins lo territòri cedit als palestinians. Dimenge lo govèrn israelian decidiguèt tanben d’accelerar l’edificacion de 1200 ostals en d’installacions de Cisjordania e de Jerusalèm Èst, tanben dins lo territòri cedit als palestinians. L’Organizacion per la Liberacion de Palestina (ÒLP) acusa Israèl d’ensajar de torpilhar las negociacions de patz.
John Kerry, lo secretari d’estat estatsunidenc, qu’impulsèt la represa de las convèrsas, a ensajat de minimizar aquela nòva colonizacion e insistís sus l’urgéncia de negociar: “Los Estats Units considèran totas las colònias illegitimas. Avèm trabalhat intensament amb los palestinians per capitar que totes comprengan coma deu èsser lo camin tre ara. E cresi qu’aquò fa mai evident lo besonh de se sèire lèu davant la taula de las negociacions”.
Aqueles mots de Kerry cèrcan de calmar lo president palestinian Mahmud Abbas, que mostrèt son malèsser e mai se confirmèt qu’assistiriá a la reünion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La patz i vendrà quora los integristas d'un camp e de l'autre s'i seràn totes entremaselats fins al darrièr. E la Patz i serà necessàriament laïca. Tant val dire que per ara, li podètz cantar l'amor de lonh fins en tèrra santa…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari