A qualques oras del començament dels Jòcs Olimpics de París, d’atacas coordenadas suls camins de fèrre de granda velocitat an paralisat qualques unas de las linhas mai importantas de l’estat francés. L’operator public SNCF denóncia “una ataca massissa”. En seguida del sabotatge, las principalas garas de París son plenas de viatjaires qu’espèran lor destinacion.

Aquestes darrièrs jorns, las autoritats an tresmudat París en una fortalesa amb un desplegament extraordinari de mai de 40 000 policièrs.

En parlant a la television, la ministra demissionària dels espòrts, Amélie Oudéa-Castéra, a condemnat los atemptats, que qualifica de vandalisme. “Fa completament paur. Amirar los jòcs es amirar França”, çò a dich. Dins un sens similar, lo ministre dels transpòrts en foncions, Patrice Vergriete, a assegurat que i a agut d’atacas nocturnas coordenadas. “Condemni fòrtament aquelas accions criminalas que comprometràn las vacanças de fòrça franceses”, çò a apondut.

Dins un comunicat, l’SNFC rapòrta que de grops de personas an provocat d’incendis dins d’installacions sus qualques linhas que connèctan París amb l’oèst, lo nòrd e l’èst de l’Exagòn, de biais que lo trafec ferroviari serà prigondament afectat pendent tota la dimenjada. “Aquesta nuèch, l’SNCF es estada la victima d’un fum d’atacas vandalas sus las linhas de granda velocitat atlantica, nòrd e èst. Los incendis son estats deliberats e amb l’intencion de damatjar nòstras installacions”, çò ditz l’operator, que detalha tanben que los tecnicians son a avalorar los degalhs e començan las reparacions.

L’SNFC soslinha que totes los clients —se calcula que serián aperaquí 800 000– seràn assabentats de la circulacion de lors trens amb un messatge sul telefonet mobil. Dins aquel sens, demanda que los viatjaires eviten las molonadas dins las estacions de tren, en apondent que totes los bilhets son escambiables e remborsables.

Pour vous donner une petite idée du bordel en Gare Montparnasse ce matin (meme si on ne se rend pas trop compte).

Je n’ai pas vu ca depuis l’annonce du confinement par Macron en mars 2020.

Bon courage à la #SNCF et aux voyageurs ! pic.twitter.com/XAxJOxwxRk

— PresidentGab (@PresidentGab) July 26, 2024

SNCF attaquée: "Tous les éléments que nous avons, montrent bien que c'est volontaire", affirme Patrice Vergriete pic.twitter.com/8vcwYcLi5D

— BFM Business (@bfmbusiness) July 26, 2024