Dins l’encastre de la ceremònia d’inauguracion dels Jòcs Olimpics de París 2024, divendres passat, la delegacion argeriana aprofechèt l’escasença per mandar un messatge de memòria istorica. Pendent lodesfilat, que se debanèt sus de vaissèls que navigavan long de l’emblematic fluvi Sèina, d’atlètas argerians lancèron de flors dins l’aiga en remembrança de las victimas del massacre de París de 1961.

Lo 17 d’octòbre de 1961, aperaquí 30 000 argerians manifestèron pacificament en França per promòure l’independéncia de lor país. La protèsta foguèt violentament reprimida per la polícia francesa, queprovoquèt la mòrt d’entre 70 e 200 personas, segon divèrsas sorsas. L’istorian Jean-Luc Einaudi (1951-2014) estimèt qu’entre 200 e 395 argerians foguèron tuats aquela davalada, amb qualques còrses getats dins Sèina.

Lo gèst simbolic de la delegacion argeriana a la ceremònia d’inauguracion, que se tenguèt pel tresen còp dins la capitala francesa, cèrca d’assegurar qu’aquel episòdi tragic siá pas oblidat. Ongan, l’Assemblada Nacionala francesa a votat d’establir una jornada de commemoracion pel massacre del 17 d’octòbre de 1961, reconeissent e condemnant oficialament los eveniments.

El 17/10/1961, la policia va assassinar a París, ofegant-los al Sena, entre 100 i 200 manifestants algerians per la independència. Avui la delegació algeriana als JJOO els ha recordat durant la cerimònia inaugural llançant flors al lloc dels fets.
pic.twitter.com/9XSTIOLh7A

— Abel Caldera (@abelcaldera) July 26, 2024