Aquesta nuèch, lo cèl nos ofrirà un dels eveniments astronomics mai esperats de l'estiu: lo pic de las Perseïdas. Las Perseïdas son una pluèja de meteòrs que se pòt observar cada annada entre lo 23 de julhet e lo 22 d'agost, amb una activitat maximala a l'entorn del 12 d'agost. Aurem una Luna al primièr quarton, mas se colcarà cap a mièjanuèch, çò que permetrà de profechar de l'espectacle sens problèma. Aquel eveniment ofrís una escasença unica de contemplar fins a 100 meteòrs per ora en de condicions idealas.

Las Perseïdas se produson quand la Tèrra travèrsa la traça de posca daissada per la cometa Swift-Tuttle. Las particulas d'aquela traça se desintègran en intrant dins l'atmosfèra a granda velocitat (212 400 km/h), creant d'estralhs luminoses o estelas filantas. Per profechar plenament de l'espectacle, es recomandat de trobar un endrech fosc, alonhat de la pollucion luminosa, e de far pròva de paciéncia, perque los uèlhs an besonh de qualques minutas per s'adaptar a l'escuresina.

Amb un pauc d'astre e un cèl desgatjat, a partir de mièjanuèh, poirem admirar una de las mai polidas meravilhas naturalas. Profechatz de sa magia!