Actualitats
Fin de la recession, continuacion de la crisi
La Zòna Èuro sortís de la recession al segond trimèstre mercés a França e Alemanha
Los païses de la Zòna Èuro an agut una creissença mejana de 0,3% per rapòrt al primièr trimèstre. Alemanha e França son los païses que fan butar aquela recuperacion mentre qu’Espanha e Itàlia son a tombar encara.
L’economia de la Zòna Èuro cresquèt pendent lo segond trimèstre de l’an a un ritme de 0,3% per rapòrt als tres meses anteriors, quora aviá tombat de tres decimalas. Aquò anóncia la fin d’una recession que s’es alongada pendent los darrièrs sièis trimèstres consecutius, segon çò que mòstran las donadas de la primièra estimacion del PIB publicat per Eurostat, lo burèu estatistic de l’Union Europèa.
Segon Eurostat, dins l’ensems de l’UE l’activitat economica cresquèt tanben d’un 0,3% per rapòrt al primièr trimèstre, quora aviá registrat una contraccion d’una decimala.
Totun, se parlam en tèrmes annals, l’economia europèa contunha de tombar. Lo PIB de la Zòna Èuro registrèt pendent lo segond trimèstre una contraccion d’un 0,7% annal, mentre que dins l’ensems de l’UE tombèt d’un 0,2%.
La creissença de la Zòna Èuro pendent lo segond trimèstre, qu’a quitament despassat las perspectivas d’una expansion d’entre una e doas decimalas, s’explica per la fòrta represa de las economias d’Alemanha (+0,7%) e França (+0,5%), aital coma las de Finlàndia (+0,7%) e Portugal, que sortís de la recession amb una expansion d’1,1%.
Espanha e Itàlia son encara en recession
Per contra, en Espanha lo PIB tombèt d’una decimala al segond trimèstre, mentre qu’als Païses Basses e en Itàlia tombèt de doas decimalas.
Olli Rehn, vicepresident de la Comission Europèa e responsable dels Afars Economics, a exprimit la sieuna satisfaccion per la seguida de donadas positivas que mostrarián una “virada potenciala” en l’economia europèa, e mai s’avertís qu’es pas lo moment de parlar de la fin de la crisi.
“Espèri que i aja pas de declaracions prematuras en se felicitant que «la crisi es acabada»”, apond Olli Rehn dins son blòg.
Considèra que persistisson encara de gròsses obstacles que devon èsser despassats: ritme de creissença bas, fragilitat de la recuperacion, grandas diferéncias existentas segon los païses, dissimuladas per las mejanas de la Zòna Èuro. Rehn mençona lo cas d’Espanha e Grècia, ont los tausses de caumatge contunhan d’èsser inacceptablament nauts, mai que mai entre los joves, “aquò a causat lo risc real d’una generacion perduda”.
Manèl Zabala
L’economia de la Zòna Èuro cresquèt pendent lo segond trimèstre de l’an a un ritme de 0,3% per rapòrt als tres meses anteriors, quora aviá tombat de tres decimalas. Aquò anóncia la fin d’una recession que s’es alongada pendent los darrièrs sièis trimèstres consecutius, segon çò que mòstran las donadas de la primièra estimacion del PIB publicat per Eurostat, lo burèu estatistic de l’Union Europèa.
Segon Eurostat, dins l’ensems de l’UE l’activitat economica cresquèt tanben d’un 0,3% per rapòrt al primièr trimèstre, quora aviá registrat una contraccion d’una decimala.
Totun, se parlam en tèrmes annals, l’economia europèa contunha de tombar. Lo PIB de la Zòna Èuro registrèt pendent lo segond trimèstre una contraccion d’un 0,7% annal, mentre que dins l’ensems de l’UE tombèt d’un 0,2%.
La creissença de la Zòna Èuro pendent lo segond trimèstre, qu’a quitament despassat las perspectivas d’una expansion d’entre una e doas decimalas, s’explica per la fòrta represa de las economias d’Alemanha (+0,7%) e França (+0,5%), aital coma las de Finlàndia (+0,7%) e Portugal, que sortís de la recession amb una expansion d’1,1%.
Espanha e Itàlia son encara en recession
Per contra, en Espanha lo PIB tombèt d’una decimala al segond trimèstre, mentre qu’als Païses Basses e en Itàlia tombèt de doas decimalas.
Olli Rehn, vicepresident de la Comission Europèa e responsable dels Afars Economics, a exprimit la sieuna satisfaccion per la seguida de donadas positivas que mostrarián una “virada potenciala” en l’economia europèa, e mai s’avertís qu’es pas lo moment de parlar de la fin de la crisi.
“Espèri que i aja pas de declaracions prematuras en se felicitant que «la crisi es acabada»”, apond Olli Rehn dins son blòg.
Considèra que persistisson encara de gròsses obstacles que devon èsser despassats: ritme de creissença bas, fragilitat de la recuperacion, grandas diferéncias existentas segon los païses, dissimuladas per las mejanas de la Zòna Èuro. Rehn mençona lo cas d’Espanha e Grècia, ont los tausses de caumatge contunhan d’èsser inacceptablament nauts, mai que mai entre los joves, “aquò a causat lo risc real d’una generacion perduda”.
Manèl Zabala
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari