Actualitats
Tres jorns de dòl nacional en Brasil per l’accident aerian del 9 d’agost
Totes los 57 passatgièrs e las 4 personas de l’esquipatge moriguèron dins l’impacte de l’avion que s’escrachèt dins la region de São Paulo
Tèxte legit
Lo divendres 9 d’agost passat, un avion ATR-72 de la companhiá brasilièra Voepass s’escrachèt dins una zòna residenciala de la vila de Vinhedo, dins l’estat de São Paulo, çò rapòrta Fanpage. I aguèt pas de subrevivents. 61 personas èran a bòrd, compreses l’esquipatge e los passatgièrs.
Dins qualques vidèos de l’accident se pòt veire l’avion a tombar lentament e amb una trajectòria en espirala. Al moment de s’escrachar, tustèt un bastiment residencial e damatgèt un apartament, mas aürosament cap d’autra victima foguèt pas raportada demest los residents. “Ai pas jamai ausit un bruch tan fòrt dins ma vida”, çò diguèt un resident a una estacion de television locala.
L’avion partiguèt de la vila de Cascavel, dins l’estat de Paraná, a 11h56 ora locala e se dirigissiá cap a Guarulhos, dins l’estat de São Paulo. Lo darrièr contacte amb la torre de contraròtle de São Paulo se faguèt a 13h22 (18h22 en Occitània). Una minuta abans l’accident, l’avion èra a una altitud de 17 200 pès.
BREAKING: Voepass Flight 2283, a large passenger plane, crashes in Vinhedo, Brazil pic.twitter.com/wmpJLVYbB3
— BNO News (@BNONews) August 9, 2024
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari