capçalera campanha

Actualitats

EnvironamentInternacionalPoliticaSocietat

Deteccion del poliovirus en Gaza al mièg de la guèrra

Preocupacion creissenta davant la presencia del virus dins d’escapolons d’aigas usadas a Khan Yunis e Deir al-Balah

| AP Photo/Abdel Kareem Hana / The Conversation

Tèxte legit

Al mièg de la devastacion causada per la guèrra en Gaza, una varianta del poliovirus vend'èsser detectada dins la region, çò rapòrta The Conversation. Lo virus es estat isolat dins sièis escapolons d’aigas usadas reculhits en junh a Khan Yunis e Deir al-Balah. Malgrat que cap de cas de paralisi associat al virus siá pas estat senhalat, sa preséncia dins las aigas usadas es una font de preocupacion.

Lo poliovirus detectat es de tipe derivat del vaccin, especificament de tipe 2. Aquel tipe de virus pòt aparéisser quand de personas vaccinadas amb lo vaccin oral excrètan lo virus atenuat, que pòt mudar e circular dins de populacions dels febles tausses d’immunitat.

En Gaza la cobertura vaccinala contra la poliomieliti èra del 99 % en 2022, mas es tombèt al 89 % en 2023. Aquela baissa, combinada a las marridas condicions d’igièna e d’assaniment, poiriá aver contribuït a la reaparicion del virus.

La deteccion del poliovirus en Gazaes similara a d’epidemias recentas a Jerusalèm, Londres e Nòva York, ont una febla cobertura vaccinala dins cèrts grops comunautaris a permés la propagacion del virus. En Gaza la prioritat es de conténer lo virus e de garantir una cobertura vaccinala nauta. L’UNICÈF e d’autras organizacions preparan ja una campanha de vaccinacion.

Aquel cas soslinha la necessitat d’una susvelhança continuadel poliovirus e met en evidéncia l’importància d’un accès umanitari sens restriccion per melhorar l’igièna, l’assaniment e los servicis de santat en Gaza, una question urgenta de salut publica mondiala.

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Lachaud
1.

Quand l'economic pòd pus i arribar, arrieba lo politic;
Quand lo politic pòd pus i arribar, arrieba lo medecin.
E lo medecin vaccina, vaccina, vaccina e tòrna vaccinar.
A lo vaccin , lo salvador que quand la santat vai tot vai.
Mas, lo vaccin es totjorn pervers; Las malaudias a virus o micròbes an dispareigudas mas tòrnan quand las condicions de vita se degradan mesme si l'òm es vaccinat.
D'autres malaudias arrieban : cancers malaudias cardiaques, malaudias degenerativas..
Quand ven lo vaccin a ARN messager l'òm sap pus çò qu'i a dins la piquosa mas l'òm sap que l'argent entra a plein dins las pòchas de quauques laboratòris que s'en servan per corompre lo politic e los medias.
Quand lo medecin pòd pus en venir arrieba lo generau, es a dire la guerra. L'òm pensa aus sacrifices de nos pairs qu'an liberat la França, au prix daus sacrifices de lòr vita còma zo rapelet Macron a la ceremonia daus 80ans dau debarcament anglo-american.
Ente es passat lo pacifiste Jaures, ente son passats los pialuts de 1914 que credavan la der des terres. La rason de la vaccinacion a touta la planeta es aqui.
Aitau era lo XXeme segle.
Cambian tot aquò per que lo XXI segle siaja pas aitau.

  • 2
  • 0

Escriu un comentari sus aqueste article