Actualitats
Mai d’autonomia per cèrtas regions d’Itàlia
Cal ramentar que las Valadas Occitanas, en Piemont e Ligúria, an pas encara d’entitat administrativa pròpria
Tèxte legit
Lo procès d’autonomias diferenciadas en Itàlia progrèssa amb determinacion. Segon Fanpage, las regions de Venèt, Lombardia, Piemont e Ligúria an formalament demandat l’autonomia per cèrts domenis non ligats als Nivèls Essencials de Prestacion (NEP), e es previst que las negociacions amb lo govèrn central comencen entre la fin de setembre e la debuta d’octòbre. Aqueles acòrdis marcan una estapa importanta dins la reforma menada pel ministre encargat de las autonomias, Roberto Calderoli (Lega del Nòrd, extrèma drecha).
De lor caire, las regions governadas pel centresquèrra an intensificat lors accions per convocar un referendum abrogatiu de la Lei Calderoli, mentre que lo govèrn italian prepara los primièrs decrets per definir los NEP, esperats abans la fin de 2024.
Dins una entrevista recenta, Calderoli soslinha la necessitat constitucionala de la lei e exprimís son vòt de progressar lèu dins las negociacions per tal d’evitar de novèlas tensions politicas: “La reforma es essenciala per melhorar l’eficacitat e l’equitat dels servicis publics”, çò remarca.
Las regions an demandat de competéncias especificas enmai d’un domeni: Venèt a demandat de competéncias per las 9 matèrias disponiblas, Lombardia per 8, e Piemont e Ligúria per 6. Calderoli a quitament abordat la question dels còstes associats als NEP, en suggerissent una revision de las despensas regionalas per reduire las ineficacitats.
En mai d’aquò, lo ministre assolida que l’autonomia es pas responsabla de las inegalitats territorialas existentas, e que las NEP seràn essencialas per garentir unaqualitat unifòrma dels servicis per tot lo país.
Cal ramentar que las Valadas Occitanas, en Piemont e Ligúria, an pas encara d’entitat administrativa pròpria.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Italia a aura un poder economic prumier dins l'Euròpe. L'italia a un governement fasciste mas França es sos la dominacion la mai granda de la comission europeena qu'es tertant fascista coma Meloni. Macron es dins lo mesme estat d'esprit sos un aer de pair tranquile e au Fòrt de Briançon ente passet sas vacanças, i avia un drapeu europeen e non pas un drapeu frances. En Italia es mas una reorganisacion regionala que ten pas compte de las identitats regionalas.
L'Euròpe se dirigea vers un empire autoritari qu'acceptera pas de preferença nacionala per los pais europens e enguera mens de preferença identitaria.
L'òm compren que belcòp de frances brandissan lo drapeu frances e reclamant lo frexit.
"Mai d’autonomia per cèrtas regions d’Italia : Cal ramentar que las Valadas Occitanas, en Pèmont e Liguria, non an encara d’entitat administrativa pròpria". Cal subretot rementar que l'Italia actuala es dirigida la fascista Meloni, e que ot çò que ven d'ela es suspècte de fascisme obèrt o contengut. Una autonomia, si-ben : per qué ne far ? L'autonomia ni l'independéncioa non pòdon constituïr una fin en se. La finalitat, se non es umanitària e generosa, sempre serà suspècta.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari