Actualitats
Bulgaria enebís la “propaganda LGBT+” dins las escòlas
La lei, aprovada per una granda majoritat del parlament, vòl alonhar los joves de las orientacions sexualas “non tradicionalas”
Tèxte legit
L’adopcion d’una lei en Bulgaria que proïbís la “propaganda LGBT+” a l’escòla a aviada una èrsa d’indignacion dins lo país e lo risc de tibar las relacions entre Bulgaria e l’Union Europèa, çò rapòrta Le Monde. Aquela legislacion, sostenguda pel partit d’extrèma drecha pròrus Vazrajdane (“Renaissença”), es estada aprovada per una larga majoritat a l’Assemblada Nacionala, amb 159 votes per, 22 contra e 13 abstencions.
Lo tèxt legislatiu interditz d’ara enlà l’encoratjament d’una orientacion sexuala “non tradicionala” aital coma la promocion d’identitats de genre diferentas d’aquelas assignadas a la naissença. Los partisans de la lei justifican aquela mesura en afirmant qu’a per mira de frenar una “propaganda” que normalizariá las orientacions sexualas non eteronormadas al près dels joves.
Los defensors dels dreches LGBTQI+ an criticada aquela lei coma omofòba e de manifestacions an esclatat per tot lo país, sustot a Sofia, ont de centenas de personas se son amassadas per protestar contra çò que percebon coma una ataca contra los dreches de las minoritats sexualas. Los manifestants an exprimit lor desacòrdi en brandissent de bandièras amb las colors de l’arcolan e en martelant d’eslogans contra la lei.
Bulgaria🇧🇬: Parliament just passed a law banning LGBT propaganda among kids. Setting up a precedent defining "non-traditional sexual orientations". The pro-Russian "Vazrazhdane" party introduced it but it got wide support even from EU's liberal sweethearts GERB (@BoykoBorissov)🧵 pic.twitter.com/1Pm35PL3TQ
— Mirela Zarichinova (@MirelaRayuela) August 7, 2024
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La lei es pas facha per los eterosexuaus mas per una filosofia qu'a ren a veire. D'alhors los ensenhants e los parents que son obligeats de segre lo discors officiau ne'n son pas tant contents. Darrier i a de las causas que mesme los concernats en son pas d'accòrd. Macron e Obama son los models d'aquela nòva filosofia. Es pas una filosofia mas un sistem volgut per los poderos que commandan en occident. S'agis plan de detruire l'ensenhament e las valors umanas bastidas dempuei plusors segles, tot coma la vaccinacion.
L'esquerra feria plan de se visar a dos còps pus leu que d'en far portar la responsabilitat a la dreicha. La dreicha e l'esquerra qu'ò es blanc bonnet e bonnet blanc. Lòr ròltle es l'imobilisme, pas de sanccionar Macron que fai çò que vòl. Porra comtar sur una amassada passiva que quand l'un vòl censurar, l'autre vai votar contre la censura.
I a pus de politica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari