Actualitats
Los esportius occitans qu’an emportadas de medalhas als Jòcs Olimpics de París
Lo nadaire tolosan Léon Marchand ganha 4 medalhas d’aur e s’impausa coma la figura màger de l’espòrt occitan als Jòcs
Totòm sap qu’Occitània participa pas coma nacion als Jòcs Olimpics. La majoritat de sos atlètas competisson jos la bandièra de França e de Monegue, qu’èra representat a París per sièis esportius qu’an pas emportada cap de medalha. Se nos concentram precisament sus las medalhas ganhadas als Jòcs Olimpics de París, totes los atlètas occitans que n’an emportat o an fach per França. Demest las 40 medalhas ganhadas per Itàlia o las 18 d’Espanha, cap es pas estada emportada per un atlèta occitan (de las Valadas o de la Val d’Aran, respectivament).
En tot, 41 atlètas occitans an obtenguda una medalha, tant dins d’espròvas individualas que per esquipa. Se consideram solament los 14 medalhats de las espròvas individualas, Occitània auriá presas 5 medalhas d’aur e 6 d’argent, çò que l’auriá plaçada a una ipotetica 15a plaça al classament general de las medalhas (e auriá fach tombar França del 5n a l’11n reng).
Imaginam, sonque un momenton, qu’aquò foguèsse possible...
Medalhas per esquipa
Esquipa masculina de voleibòl (aur)
Earvin Ngapeth (Sant Rafèu, Var)
Jean Patry (Montpelhièr)
Théo Faure (Peçac, Guiana)
Kevin Tillie (Canha de Mar)
Amb Trévor Clévenot, Jenia Grebennikov, Yacine Louati, Antoine Brizard, Benjamin Toniutti, Nicolas Le Goff, Barthélémy Chinenyeze, Quentin Jouffroy
Esquipa masculina de rugbi de VII (aur)
Antoine Dupont (Lanamesa)
Nelson Épée (Tolosa)
Antoine Zeghdar (Monegue)
Paulin Riva (Aush)
Rayan Rebbadj (Lo Martegue)
Amb Varian Pasquet, Aaron Grandidier Nkanang, Jefferson-Lee Joseph, Théo Forner, Andy Timo, Jean Pascal Barraque, Jordan Sepho et Stephen Parez Edo Martin.
Esquipa de judo (per esquipa) (aur)
Shirine Boukli (Aramon, Gard)
Amb Sarah-Léonie Cysique, Teddy Riner, Madeleine Malonga, Alpha Djalo, Clarisse Agbegnenou, Joan-Benjamin Gaba, Maxime-Gael NgayapHambou, Marie-Ève Gahie, Walide Khyar, Amandine Buchard, Aurélien Diesse, Romane Dicko et Luka Mkheidze.
Esquipa femenina de basquet (argent)
Marine Fauthoux (Pau)
Romane Bernies (Agen)
Leïla Lacan (Rodés)
Valeriane Ayayi (Bordèu)
Amb Iliana Rupert, Marieme Badiane, Alexia Chery, Janelle Salaün, Marine Johannes, Sarah Michel Boury, Dominique Malonga, Gabby Williams.
Esquipa masculina de fotbòl (argent)
Joris Chotard (Aurenja)
Guillaume Restes (Tolosa)
Amb Andy Diouf, Castello Lukeba, Bradley Locko, Désiré Doue, Maghnes Akliouche, Loïc Bade, Rayan Cherki, Obed Nkambadio, Soungoutou Magassa, Alexandre Lacazette, Manu Kone, Adrien Truffert, Enzo Millot, Kiliann Sildillia, Chrislain Matsima, Jean-Philippe Mateta, Michael Olise, Johann Lepenant et Arnaud Kalimuendo.
Esquipa femenina d’andbòl (argent)
Lucie Granier (Marselha)
Amb Estelle Nze Minko, Laura Glauser, Tamara Horacek, Laura Flippes, Léna Grandveau, Chloé Valentini, Méline Nocandy, Pauletta Foppa, Orlane Kanor, Hatadou Sako, Grace Zaadi Deuna, Cléopâtre Darleux Mingam, Sarah Bouktit, Alicia Toublanc, Onacia Ondono et Coralie Lassource.
Esquipa masculina de tir a l’arc (argent)
Baptiste Addis (Niça)
Jean-Charles Valladont (Niça)
Amb Thibaut Chirault
Esquipa de tènis de taula (bronze)
Alexis Lebrun (Montpelhièr)
Félix Lebrun (Montpelhièr)
Simon Gauzy (Tolosa)
Esquipa masculina de basquet (3x3) (bronze)
Lucas Dussoulier (Liborna)
Amb Franck Seguela, Jules Rambaut e Timothée Vergiat
Relèu masculin 4x100 (bronze)
Léon Marchand (Tolosa)
Amb Florent Manaudou, Ndoye-Brouard e Maxime Grousset
Esquipa d’escrima masculina (sabre per esquipa) (bronze)
Sébastien Patrice (Marselha)
Jean Philippe Patrice (Marselha)
Maxime Pianfetti (Tarba)
Amb Bolade Apithy
Medalhas individualas
Benjamin Thomas (La Vaur) – ciclisme sus pista (aur)
Léon Marchand (Tolosa) –
natacion (200m quatre nadas) (aur)
natacion (200 m braça) (aur)
natacion (200 m parpalhon) (aur)
natacion (400 m quatre nadas) (aur)
Victor Koretzky (Besièrs) – VTT (argent)
Billan Bennama (Albi) – bòxa (-51kg) (argent)
Lauriane Nolot (Tolon) – vela (kitefoil) (argent)
Sofiane Oumiha (Tolosa) – bòxa (-63,5 kg) (argent)
Sylvain André (Cavalhon, Vauclusa) – BMX racing (argent)
Angèle Hug (Las Olièras, Vivarés) – caiac cròs (argent)
Johanne Defay (Lo Puei de Velai) – surf (bronze)
Félix Lebrun (Montpelhièr) – tènis de taula (bronze)
Christophe Laporte (La Sanha, Var) – corsa ciclista en linha (bronze)
Sarah Steyaert (Bordèu) (amb Charline Picon) – vela (bronze)
Anthony Jeanjean (Besièrs) – BMX freestyle (bronze)
Shirine Boukli (Aramon, Gard) – judo (-48 kg) (bronze)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ne manca. Las sòrres Fox australianas nascudas a Marselha d'una maire occitana se son tanben ganhadas de medalhas!
- Noemie Fox se ganhèt l'aur en caiac cròs
- Jessica Fox se ganhèt l'aur en canoè e eslalòm de caiac
D'efièch se pòt compréne lo prusiment de certs comentaris rapòrt a n aqueste article un chic cocardièr qu'es en fach ni mai ni mens nèci e quichaire que quin que siague discors cocardièr de quina que siague nacionalitat.
Mas aquel article, e soi d'acòrdi amb Franc Bardòu, lo podem veire tanben coma una caricatura ironica de totis aqueles discorses nacionalistas obscènis que França nos a servit fins al sadol per celebrar son "engèni gloriós e triomfant". De tota mena, fa temps que las manifestacions esportivas son estadas recuperadas pels poders en plaça que se'n servissan per far la propaganda de lor regim, de lor païs, de lor sistèma.
Cal se rementar tanben que l'espòrt es una metafòra, un substitut de la guèrra, e que n'i a que fenissan per pas pus saupre ont es la limita entre la "guèrra" simbolica e la vertadièra. D'ont las batèstas e satonadas ferotjas entre supporters-hooligans o encara las envoladas liricas nacionalistas de la mediaticalha. Los Jòcs olimpics , iper-mediatisats e iper-mercandisats, escapan saique pas a tot aquel pastis propagandista ont l'atlèta es vengut unencament un esplèch per satisfejar lo narcissisme de tal o tal nacionalisme. Me sovèni del lassitge de Marie-Josée Pérec que s'enfadava d'ésser considerada sonque coma "la machine à gagner de la France" e basta.
Es ensenhadis de saupre tanben que tre la debuta, al sègle dètz-e-nòu, lo prètzfach de l'aristocratic Pierre de Coubertin èra gaire inocent e desinterressat. Aquel vesia sos Jòcs Olimpics restablits coma un biais de renovelar la raça (sic) e de promòure la grandor de la patria (re-sic !) Coma que, lo vèrme èra jà dins la frucha.
Nimai los trobadors non se disián pas occitans.n Coma o pensava Castan, faguèron nàisser una "literatura sense finalitat nacionala". E totun, res non es pas tant occitan coma la poesia dels trobadors. Se'n fotián benlèu, benlèu : non èra lor objectiu. Mas son estats çò de melhor qu'ajam donat al mond fins ara, los de nòstra lenga.
Aqueste article, me sembla qu'a benlèu mai d'un interés. Per exemple, mòstra l'insofrible necitge propagandista de la premsa esportiva en general que, mai que de metre en abans las soletas performanças esportivas, graileja, trompeteja e çanganhassa, a qui mai pòt, tota una santa puta de propagandassa nacionalista francesa que ieu percebi en amont de tot, mentalament e ficicament, coma absoludament insofribla. Vos sembla nèci, lo contengut d'aqueste article ? O es ni mai ni mens que tota vomitalha nacionalista francesa que ne nos assucan per totes los fendascles, fenestrons e portals alandats en plaça publica de la mediaticalha dominanta actuala. L'article en question, ieu, lo percebi a un segond gra, coma una denóncia dreiturièra totes los autres articles sul meteis subjècte.
Bon aquò dit, francés o occitan, lo nacionalisme es e demòra çò qu'es. Per parafrasar un cantaire francofòn qu'abans presavi fòrça, demòra "con comme un drapeau".
Ben òc, jà al sègle 12 lo trobador Jaufré Rudel en parlava dins son "Amor Delon", alara...
Alan Delolm: Pasmens, segon l'occitanissima Wikipèdia francesa: "Les Delon sont originaires de Saint-Vincent-Lespinasse, en Tarn-et-Garonne. Sa généalogie remonte à Jean Delon, né au XVe siècle. L'arrière-grand-père paternel d'Alain Delon, Fabien Delon (Saint-Vincent-Lespinasse, 28 décembre 1829 - Figeac (Lot), 12 décembre 1909), décoré de la Légion d'honneur en 18927, est ingénieur des ponts et chaussées"
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari