La setmana passada, se tenguèt a Baiona (Bas Ador) l’universitat d’estiu de Regions e Pòbles Solidaris (R&PS), dont lo Partit Occitan. Aquela edicion, organizada pels militants bascos d’EH BAI, foguèt marcada per de debats e de taulas redondas centradas sus la situacion politica actuala.

Dos deputats d’R&PS, lo breton Paul Molac e lo basco recentament elegit Peio Dufau, participèron activament a las discussions. En mai d’aquò, l’escasença foguèt utilizada per metre en evidéncia divèrsas iniciativas alternativas que son a emergir al Bascoat dins de domenis coma l’energia, l’agricultura, lo drech al lotjament e lo desvolopament de l’economia sociala.

Baiona es una ciutat occitana qu’es venguda un centre dinamic de la lenga e de la cultura bascas, çò que demòstra la possibilitat d’integrar la diversitat. Es la sola vila ont tant l’occitan coma lo basco son afichats al costat del francés dins la senhalizacion publica.