Los 14 e 15 d’agost passats, pendent la Fèsta Occitana de Còrdas, se presentèt un nòu percors de La Passem, la corsa de relèu per la transmission de la lenga occitana. Après lo succès de tres edicions en Gasconha, que la darrièra percorreguèt 1100 km, la corsa arribarà en 2025 dins lo departament de Tarn, en passant per de vilas coma Sant Somplesi, Albi e Castras los 23 e 24 de mai .

Organizada per l’associacion Ligams, La Passem es un eveniment similar a la Korrika basca, amb la tòca de se mobilizar en favor de la lenga occitana. Cada quilomètre de corsa pòt èsser crompat per 100 èuros, çò que permet de collectar de fonzes significatius per la reviudacion de la lenga nòstra. La primièra edicion, que se tenguèt en Bearn en 2018, amassèt 48 000 èuros, abans que la segonda edicion n’amassèsse 67 000, contribuissent al finançament de nombroses projèctes de defensa de l’occitan.

Per sosténer l’edicion albigesa de La Passem podètz aderir a l’associacion Ligams Tarn o ben far un don per mejan d’aqueste ligam.