Dimenge passat, 15 de setembre, pendent los Emmy Awards tenguts al Peacock Theater de Los Angeles, l'actor D’Pharaoh Woon-A-Tai faguèt un gèst simbolic potent. E mai portèsse un classic vestit negre, atirèt l’atencion una man sagnosa pintada sus sa boca. Aquel detalh fasiá partida d'una accion revendicativa de sosten al movement Femnas Indigènas Desaparegudas e Tuadas (MMIW segon sa sigla en anglés), que se bat contra los raubatòris e murtres de dònas e joventas indigènas als Estats Units e en Canadà.

Aquel man sagnosa, facha amb de maquilhatge, representa lo silenci e l’opression que los patisson las femnas indigènas, segon l’organizacion Native Hope. Aital, es un simbòl que ramenta las voses reduchas al silenci, la manca de cobertura mediatica d’aqueles crimes e mai la manca d’accion de las fòrças de seguretat.

D’Pharaoh Woon-A-Tai fa partida del pòble oji-cri. Dins sos 22 ans, es vengut lo primièr actor indigèna american nomenat dins la categoria de melhor actor de sèria comica per son ròtle dins Reservation Dogs. Ara, sa preséncia als Emmy a pogut denonciar publicament aquela crisi desproporcionada qu’afècta las femnas indigènas mas que se’n parla pas brica.

D’Pharaoh Woon-A-Tai a fait passer un message fort sur le tapis rouge des #Emmy2024 en arborant un symbole peint sur son visage, représentant le mouvement Missing and Murdered Indigenous Women (#MMIW), qui lutte pour mettre en lumière les femmes amérindiennes disparues ou… pic.twitter.com/dmzqznNZoN

— GQ France (@GQ_France) September 16, 2024

For those who are unaware of the MMIW/P crisis, here’s D'Pharaoh Woon-A-Tai explaining why he wore the red handprint. https://t.co/36z0D0HEpLpic.twitter.com/mnUUwytu45

— sophie (@sophiemg2018) September 16, 2024