Actualitats
Michel Barnier a bastit un govèrn de las drechas malgrat la victòria electorala de las esquèrras
L’executiu, marcat per una aliança entre macronistas e conservators, cèrca lo sosten de l’extrèma drecha qu’a la capacitat de far tombar lo govèrn s’o vòl
Tèxte legit
Lo primièr ministre de França, Michel Barnier, anoncièt dissabte la composicion de son govèrn, format de 39 membres. E mai a las eleccions legislativas ganhèsse relativament la coalicion d’esquèrra del Nòu Front Popular, França aurà un govèrn conservator a causa de l’insisténcia d’Emmanuel Macron de nomenar pas, de cap de biais, un primièr ministre d’esquèrra. L’executiu, marcat per una aliança entre macronistas e conservators, cèrca l’estabilitat e lo sosten de l’extrèma drecha del Recampament Nacional, qu’a la capacitat de reversar lo govèrn s’o vòl.
Demest las nominacions mai remarcadas se tròba Bruno Retailleau, cap senatorial dels Republicans e representant del sector mai drechista del partit, ara nòu ministre de l’Interior. Retailleau a defendut de posicions duras sus l’immigracion e la seguretat. Dins lo domeni economic, los macronistas Antoine Armand e Laurent Saint-Martin ocuparàn de pòstes clau: Armand serà lo ministre de l’economia, de las finanças e de l’indústria, del temps que Saint-Martin serà responsable del budget e dels comptes publics.
Malgrat lo fòrt pes conservator del nòu govèrn, i a doas timidas temptativas de concession a l’esquèrra amb las nominacions de l'èx-socialista Didier Migaud a la justícia e d’Agnès Pannier-Runacher a la transicion energetica. Pannier-Runacher es del sector mai progressista del macronisme.
La representanta del Nòu Front Popular, candidata per dirigir lo govèrn, Lucie Castets, a criticat durament lo govèrn, en l’acusant d’èsser “de drecha dura” e d’aver “umiliat la democracia”. De son caire, Jordan Bardella, president del Recampament Nacional, a declarat qu’aquel govèrn aviá pas cap d’avenir, en criticant lo retorn del “macronisme” après qu'aqueste foguèt rebutat a las eleccions.
On nous promettait un gouvernement de concorde, on a un gouvernement de droite dure. C’est la démocratie qui est humiliée ce soir avec la fin de ce suspense de papier.
— Lucie Castets (@CastetsLucie) September 21, 2024
Ce « nouveau » gouvernement signe le retour du macronisme par une porte dérobée.
— Jordan Bardella (@J_Bardella) September 21, 2024
Ce que les Français ont démocratiquement sanctionné, à deux reprises, ne peut revenir par de lamentables jeux d’appareils et calculs politiciens.
C'est donc un gouvernement qui n’a aucun avenir.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Malgrat la preséncia d'un govèrn de drecha, doblidem pas qu'i aguèt un fum de mesuras socialas dins lo passat (per exemple: l'abolicion de la taxa abitacion, los autobuses Macron, l'aumentacion del RSA, la prima d'activitat...). Malgrat que los franceses ajan puslèu votat per l'esquèrra, un govèrn de drecha es uèi necessari per luchar contra lo deute, lo caumatge e l'insecuritat. Malurosament, cal o dire, la democracia absoluda existís pas...
Ente qu'avem vist que l'esquerra a ganhat las eleccions? e sur quala tema? Darrier los mots imigracion, dreicha, esquera chacun i bòta çò que vòl.
Lo front nacional es tant europeaniste que Macron o l'esquerra. S'agis de far un estat europeen fòrt e reduire lo poder daus estats a n'en far que de las baronias secondarias.
Que França dispareiguessa apres tot qu'ò me derangearia pas mas si quò es per divisar Occitania en dos d'un biais l'est e de l'autre l'ouest tot en isolant lo Massif Centrau quò me convent pas, mas pas dau tot.
Una procedura destitucion de Macron es en cors e los medias en parlan pauc. Lo deficit economic de França coma d'Euròpe es catastrofic au punt d'esser una sucursala daus governaments daus Estats-Unis. E l' òm parla de guerra contre Russia?
Lo pòple qual que sia en a son confla de tota aquelas messonjas, aquelas de Macron coma aquelas de tots los partits coma de se far prener per Tartufe. I a pas de partits durs o tendres. Tots son dins lo mesme sac.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari