Egipte tornèt viure ièr una jornada de sang. Las manifestacions convocadas pels Fraires Musulmans, dins lo dich “divendres de colèra”, per protestar contra lo còp d’estat e lo massacre de dimècres al Caire, son estadas reprimidas per l’armada amb de desenats de mòrts, e benlèu de centenats. La tension es granda, mai que mai perque l’armada tirèt de balas realas contra los manifestants. Los elicoptèrs an tanben tirat suls manifestants segon Al Jazira. Segon aquel mèdia, solament a la Plaça Ramsès aurián tuat un centenat de manifestants.
La massacre de dimècres: 638 mòrts e 4000 ferits
Segon de fonts oficialas, la repression militara de dimècres causèt 638 mòrts e 4000 ferits. Mas lo Fraires Musulmans avertisson que los mòrts poirián èsser qualques milièrs. Los islamistas avián ja convocat de grandas manifestacions dijòus de ser, mas fin finala solament i aguèt de funeralhas massissas, probablament perque qualques oras abans lo govèrn aviá donat tanben d’òrdres a l’armada de tirar de balas realas. De fach, en un assaut rapid, los islamistas ataquèron la bastissa del govèrn a Giza, una vila de la banlèga oèst del Caire. L’estrategia dels islamistas poiriá èsser tre ara d’atacs rapids, per estonament, contra d’objectius clars e significatius.
Obama refreja las relacions amb l’armada egipciana mas manten l’ajuda economica
Lo president estatsunidenc, Barack Obama, interrompèt dijòus sas vacanças per anonciar la suspension dels exercicis militars conjonches amb Egipte, previstes pel mes que ven. La causa de la decision es la granda repression que l’armada a exercit suls islamistas e qu’a causat un chaple amb mai de cinc cents mòrts. “La nòstra cooperacion tradicionala pòt pas contunhar mentre que los civils son assassinats per carrièras”, çò diguèt Obama, que sollicitèt lo conselh militar egipcian per metre fin tan lèu coma possible a l’estat d’emergéncia.
Ça que la, l’Ostal Blanc manten la siá ajuda financièra a l’armada egipciana, qu’arribèt arunan als 1,3 miliards de dolars. La declaracion del president estatsunidenc arribava après que los principals jornals de son país, coma lo Washington Post o lo New York Times, li demandèsson d’anullar l’ajuda a l’armada egipciana per non èsser complices de la repression.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es pas meravilhosa, la vida, en Egipta contemporanèa ? I avètz la causida entre lo faiscisme armat que tira subre las gents per carrièras, e l'integrisme misogin mai arcaïc e antisemita qu'i podètz somiar…
A qué correspond la segonda fòto? A l'aparament d'una glèisa crestiana per de musulmans, non?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
#2 Las revolucions son longas e dolorosas. Ne sabem quicòm. En Egipta fa pas que començar.
Es pas meravilhosa, la vida, en Egipta contemporanèa ? I avètz la causida entre lo faiscisme armat que tira subre las gents per carrièras, e l'integrisme misogin mai arcaïc e antisemita qu'i podètz somiar…
A qué correspond la segonda fòto? A l'aparament d'una glèisa crestiana per de musulmans, non?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari