Actualitats
Sant Cristòu e Verargas inaugura los primièrs panèls de carrièra en occitan
L’iniciativa, menada per l’associacion Los Amics de la Baragònha, vòl sensibilizar a la cultura occitana e afortir los ligams intergeneracionals a travèrs de la lenga
Tèxte legit
Lo 21 de setembre passat, la localitat de Sant Cristòu, situada dins la comuna de Sant Cristòu e Verargas (en francés e oficialament dempuèi 2019, “Entre-Vignes”, dins la Costièra de Nimes), inaugurèt los primièrs panèls de carrièra en occitan, çò rapòrta Midi Libre. Aquel eveniment, fruch del trabalh de l’associacion Los Amics de la Baragònha, marca un pas important dins la promocion del patrimòni cultural occitan. La ceremònia contunhèt dins l’airal de la gara amb l’inauguracion del Potz de la Baragònha, classat coma patrimòni cultural immaterial de la comuna.
En 2016, un estudi sus las traças de la cultura occitana dins los toponims e los noms de carrièras foguèt lançat jos la direccion de Josiana Ubaud, l’etnobotanista e lexicografa, amb la participacion dels estudiants dels corses d’occitan menats per Jean Simar. Aquel projècte a per tòca de sensibilizar la populacion de l’importància de la cultura occitana e d’afortir lo ligam intergeneracional.
Los Amics de la Baragònha, una associacion consagrada a la preservacion e la promocion de la lenga, de las tradicions e de la cultura occitanas, pòrta lo nom de la Baragònha, un animal totemic amb una fòrta tradicion locala.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca a la còla de la Baragònha!
(Sus "Entre-vignes": quin nom mai descafeinat!)
Siái contenta de veire que meis intervencions de contaira dins lo vilatge (escòlas e adultes), i a ja de nombrosas annadas an portat sei fruchas? L'associacion faguèt un trabalh regular a partir de la Baragònha, personatge present dins lei contes escrichs par mon paire Jòrgi Gròs, contaire e escrivan nimesenc. Es vertadierament un trabalh de transmission de nòstra cultura que fan leis amics de la Baragònha ! Òsca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari