CAPÇALERA PAIS INVISIBLE

Actualitats

PoliticaInternacional

Lo raconte de las riòtas d’Egipte en imatges

Un jornalista catalan a publicat sus Twitter un amàs de las melhoras fotografias e articles

I a tostemps una fòto que resumís la situacion. Aquesta de l’AFP passarà a l’istòria per çò que s’es passat uèi en Egipte (14 d’agost)
I a tostemps una fòto que resumís la situacion. Aquesta de l’AFP passarà a l’istòria per çò que s’es passat uèi en Egipte (14 d’agost) | @patrickwitty
Lo jornalista catalan Andreu Claret a narrat, aquestes jorns dempuèi Egipte, las susmautas mejançant d’imatges qu’a publicat sul sieu Twitter.
 
Claret es lo director de la Fondacion Anna Lindh (FAL), una institucion de l’Union per la Mediterranèa (UPM) encargada de promòure lo dialòg cultural dins la region, qu’a son sèti a Alexàndria (Egipte). Foguèt director de l’Insitut Europèu de la Mediterranèa (IEMed) pendent 5 ans e director de l’agéncia de nòvas EFE en Catalonha.
 
Lo jornalista publica sus Twitter d’imatges e de ligams als articles e a las analisis mai interessantas per comprene la complexitat del conflicte.
 
Dins los imatges qu’acompanhan aqueste article, ne podètz veire una mòstra.
De musulmans amb jillabiyah en tot protegir una glèisa. La persona d’una ONG qu’o a mandat apond: “Fièr d’èsser musulman”
De musulmans amb jillabiyah en tot protegir una glèisa. La persona d’una ONG qu’o a mandat apond: “Fièr d’èsser musulman” | @iAHMEDsalih
An tanben cremat una mosqueta. Aquò es la plaça del Caire ont èran acampats los Fraires Musulmans
An tanben cremat una mosqueta. Aquò es la plaça del Caire ont èran acampats los Fraires Musulmans | @nycjim [Jim Roberts]
Egipte. Las gents gaudisson de la plaja del temps que se crema de bastissas après la violéncia de ièr (15 d’agost). Marsa Matruh. Còsta Mediterranèa
Egipte. Las gents gaudisson de la plaja del temps que se crema de bastissas après la violéncia de ièr (15 d’agost). Marsa Matruh. Còsta Mediterranèa | @FouadMD
Lo Musèu Egipcian del Caire, protegit
Lo Musèu Egipcian del Caire, protegit | @EgyptianStreets
Lo Caire. Situacion caotica al centre vila. Qualques manifestants sautan d’un pont per evitar las balas
Lo Caire. Situacion caotica al centre vila. Qualques manifestants sautan d’un pont per evitar las balas | @MuradMerali
Un imatge per l’espèr. Dessenh d’una drolleta egipciana musulmana
Un imatge per l’espèr. Dessenh d’una drolleta egipciana musulmana | @GoogleEarthPics
De crestians dins una glèisa cremada. “Fraire extremista, veni pregar per tu”, çò dison las afichas. Complexitat egipciana.
De crestians dins una glèisa cremada. “Fraire extremista, veni pregar per tu”, çò dison las afichas. Complexitat egipciana. | @O0onaa [John Samir]
Destruccion del Centre Cultural dels Jesuitas a Minya (Naut Egipte). Fòto dels Jesuitas del Caire (que trabalham amb eles)
Destruccion del Centre Cultural dels Jesuitas a Minya (Naut Egipte). Fòto dels Jesuitas del Caire (que trabalham amb eles) | @JamesMartinSJ

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article