CAPÇALERA PAIS INVISIBLE

Actualitats

Societat
crotz-tolosaCreated with Sketch.LengadòcAlbigésPaís Masametòl

Masamet: d’omofòbs agarrisson un jove de 17 ans

Mentre qu’èran a l’espital, una femna, maire d’un dels atacaires, volguèt dissuadir lo jove de denonciar l’atac

Jean Valet

Lo dissabte 21 de setembre als environs de 16h, alara que Paul se passejava a Masamet (País Masametòl) amb una amiga, una dròlla que coneissiá son amiga demandèt s’èran en coble. Li diguèron de non pr’amor que Paul es pas interessat per las dròllas. La responsa foguèt pas del gost d’aquela dròlla qu’anoncièt cridar de “cosins” per donar una “leiçon” a Paul. La violéncia omofoba se descadenèt a aquel moment. Dètz joves d’entre 13 e 20 ans tustèron lo jove de 17 ans, çò nos assabenta La Dépêche. Tot aquò per un afar privat, l’orientacion sexuala de Paul. Amb l’ajuda d’un testimòni de la scèna, los atacaires s’enfugiguèron. La polícia locala placèt en gàrdia a vista 3 dròllas e un dròlle ja conegut de lors servicis.

Mentre qu’èran a l’espital, una femna, maire d’un dels atacaires, volguèt dissuadir lo jove de denonciar l’atac. Lo jutjament aurà luòc lo 18 de decembre.

Una amassada de sosten se tenguèt lo divendres 27 de setembre amb d’elegits del parçan, sens los dos ferits per rason de seguretat.

 

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article