Actualitats
Lo CRÈO de la Talvera demanda qu’un licèu de l’Illa de França venga un “pòl de las lengas romanicas”
Lo Centre Regional per l’Ensenhament de l’Occitan-la Talvera, plaçat al nòrd de França, a adreiçat doas letras al Ministèri de l’Ensenhament e al Ministèri de la Cultura e de la Comunicacion, en reclamant qu’un licèu de l’Illa de França venga un “pòl de las lengas romanicas” que favorisca la coneissença e l’intercompreneson d’aquelas lengas. Segon Claudi Assemat, secretari del CRÈO de la Talvera, aquela iniciativa respond a las declaracions publicas fachas per la ministra de l’Ensenhament dins lo sens de dobrir la pòrta a la promocion de las lengas mal nomenadas regionalas dins las escòlas e los licèus.
Dins aquel sens, la ministra afirmèt, en una letra d’agost d’arunan, que las proposicions del Collectiu de las Associacions Occitanistas de l’Illa de França “s’acordavan, dins l’esperit, amb la linha d’accion del Ministèri de la Cultura e la Comunicacion en matèria de pluralitat lingüistica”. Lo ministèri se mostrava partisan “de las escasenças d’escambi que metèsson en valor la totalitat de las lengas de França”. Per tot aquò, la ministra prometiá que sos foncionaris èran prèstes per estudiar las proposicions concretas qu’òm lor mandèsse.
Lo CRÈO de la Talvera considèra qu’aquel licèu, que poiriá començar amb aquel projècte a la rintrada de 2014, poiriá èsser lo Licèu Flora Tristan de Noisy-le-Grand, ont dempuèi 30 ans s’impartisson de classas de lenga occitana. Lo CRÈO de la Talvera amassa de personas que trabalhan al nòrd de França per far de proposicions que sarren l’occitan de la diaspòra occitana, que viu majoritàriament a París e dins sa banlèga.
Dins aquel sens, la ministra afirmèt, en una letra d’agost d’arunan, que las proposicions del Collectiu de las Associacions Occitanistas de l’Illa de França “s’acordavan, dins l’esperit, amb la linha d’accion del Ministèri de la Cultura e la Comunicacion en matèria de pluralitat lingüistica”. Lo ministèri se mostrava partisan “de las escasenças d’escambi que metèsson en valor la totalitat de las lengas de França”. Per tot aquò, la ministra prometiá que sos foncionaris èran prèstes per estudiar las proposicions concretas qu’òm lor mandèsse.
Lo CRÈO de la Talvera considèra qu’aquel licèu, que poiriá començar amb aquel projècte a la rintrada de 2014, poiriá èsser lo Licèu Flora Tristan de Noisy-le-Grand, ont dempuèi 30 ans s’impartisson de classas de lenga occitana. Lo CRÈO de la Talvera amassa de personas que trabalhan al nòrd de França per far de proposicions que sarren l’occitan de la diaspòra occitana, que viu majoritàriament a París e dins sa banlèga.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me sembla, coma secretari del CREO de la Talvera, que soi autorizat a demandar una pichòta mesa al punt. Avèm pas fait causida d'un licèu d'acuèlh. La nòstrea reivendicacion pòrta sus la creacion - al dintre d'un licèu de l'Illa-de-França - d'un pòl per las lengas romanicas. Sabèm ben tròp que li aguèt de fòrtas oposicions al licèu Florà Tristan e que de responsables sindicals son pas estrangièrs a la barradura del cors a la dintrada passada. Se lo Ministèri de l'Educacion Nacionala respond favorablament, serà temps de cercar un licèu d'acuèlh. Las ligasons son aisidas amb París intrà muròs per totes los francilians e una causida d'un licèu dins la quita vila seriá una bona responsa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari