Mexic a marcada una estapa istorica amb l'eleccion de Claudia Sheinbaum coma la primièra femna presidenta del país. La politiciana, primadièra d’una coalicion d’esquèrra e que ganhèt gaireben lo 60% dels vòtes a l’eleccion del 2 de junh, presidirà un govèrn que lo 50% dels membres del cabinet seràn de femnas, una innovacion que demòstra que s’entamena una nòva epòca per l’egalitat de genre dins la politica mexicana, çò rapòrta un article de The Washington Post. Amb son eleccion, Mexic despassa los Estats Units en tèrmes de paritat de genre, malgrat lo fach que los vesins del nòrd pòscan causir Kamala Harris coma presidenta dins l’eleccion de novembre que ven.

Lo parlament mexican es ara lo quatren del Mond entièr ont son mai representats las femnas, gràcias a de leis qu’establisson de quòtas de paritat estrictas. Sheinbaum, qu’es tanplan venguda lo primièr cap de l’estat josieu del país, dirigís una còla compausada per de femnas, dont Norma Piña, presidenta de la Cort Suprèma, e Luisa María Alcalde, cap del partit Morena. La presidenta a declarat: “Jamai pus non nos caldrà tornar ausir la frasa: «Sès mai polida quand sès tranquilla»”, en soslinhant l'engatjament de son govèrn per l'egalitat de genre. Lo camin cap a una representacion femenina mai granda e un govèrn feminista a començat dins aquel estat nòrd-american, venent un exemple de seguir per d'autres païses.