Actualitats
Nimes: Rescòntres Jòrgi Gròs, “Un poèta dins la vila”
Lei 8, 9 e 10 de novembre, se rendrà un omenatge bèu a l’ensenhaire, escrivan e contaire occitanista
Lisa Gròs
A Nimes, i aurà 3 jorns de Rescòntres Jòrgi Gròs lei 8, 9 e 10 de novembre 2024. A l’iniciativa de l’associacion MASC que son president es Pascal Marconato, grand amic de Jòrgi, amb l’ajuda dau Comitat de Quartier de la Placeta, dau Pichòt Teatre de la Placeta, dau Fogau Albaric e de l’Ostau de la Region, aquelei tres jornadas rendràn un omenatge bèu a Jòrgi Gròs que fuguèt regent de l’escòla Freinet, escrivan e contaire ben conegut en Gard e dins tot lo mitan occitanista.
A l’escasença dei jornadas, sortirà lo novèu libre Lei camins de Michèu l’Hardit, 8 contes de J.Gròs presentats per Lisa Gròs, sa filha, e Daniel Ollive, que prepara una tèsi sus l’òbra de l’escrivan occitan e occitanista.
Escaissat “lo Contaire de la Placeta”, Jòrgi Gròs fuguèt un escrivan e contaire occitan dau país de Nimes. Ensenhaire e pedagòg membre de l'escòla Freinet, fuguèt un dei motors de l'occitanisme dins lo ròdol gardonenc. Una dei doas calandretas de Nimes pòrta son nom. Nos quitèt lo 16 de febrier de 2018 a l’edat de 95 ans.
Vaicí lo programa ric çai jonch; siatz convidats a vos jónher a la fèsta.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es un brave trabalh que se faguèt a Nimes per lei Rescontres a l'iniciativa de Pascal Marconato un grand amic de mon paire. Ja, dau temps dau Grop Masc, trabalhèron amassa sus de tèxtes de Jòrgi per montar un espectacle viu de tria e de cançons bastidas sus de paraulas de J Gròs. Fuguèt una capitada dei bèlas amb tanben Idelette Rochat que cantava e tota una còla que retrobarem a Nimes per lei RESCONTRES. Podrètz saber de que fuguèt la vida de l'escrivan/contaire mercé a la mòstra realizada per l'IEO 30 e que serà presentada a l'ostau de region. Fuguèt una vida rica que l'autor passèt a "Faire parlar lo pais" Agachetz de pròche lo programa !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari