Era Val d’Aran acuelhec era dimenjada passada ues jornades consagrades ara memòria dera luta antifranquista en país, damb eveniments en Vielha e en Les. Er acte d’inauguracion auec lòc diuendres, 18 d’octobre, entàs 18 ores, e compdèc damb era preséncia d’importantes personalitats der encastre academic e memorialista.

Pendent es sessions, istorians e expèrts aportèren visions prigondes e diuèrses sus eth ròtle des guerrilhèrs ena resisténcia ath franquisme.

Ath delà des conferéncies, es assistents poderen gaudir dera projeccion de dus documentaris: Les guérilleros du Val d’Aran, de Jorge Amat, e Aqueth dia i auie ua nòça, de Mireia Boya (ne parlèc en País Invisible). Es actes d’aumenatge sigueren es moments mès esmovents des jornades, damb ceremònies en Pònt de Rei e en cementèri d’Es Bòrdes, lòcs de gran significat ena istòria dera luta guerrilhèra.

Es jornades se clauèren dimenge, 20 d’octobre, damb era collocacion d’ua estela commemorativa en Pònt de Rei, seguida d’ua caminada entre Bossòst e Es Bòrdes e d’un aumenatge as guerrilhèrs en cementèri d’aguesta darrèra localitat.

80 ans dera invasion dera Val d’Aran

Es jornades s’an debanat en commemoracion deth 80u anniversari dera Invasion dera Val d’Aran, coneishuda damb eth nòm clau de “Operacion Reconquista d’Espanha”. Se tractaue d’ua operacion militara qu’auec lòc entre eth 19 e eth 24 d’octobre de 1944. Siguec ua temptativa deth Partit Comunista d’Espanha d’establir en Aran un govèrn espanhòu mejançant un atac des maquís espanhòus que collaborauen damb era resisténcia francesa en tot profitar eth moment qu’es fascistes èren en retirada en tota Euròpa pera pression des Aliats pendent era Dusau Guèrra Mondiau. Eth contraròtle d’aguest territòri proporcionaue un èish damb Euròpa e pendent ua setmana es maquís demorèren ua revòuta generalizada des democracies europèes. Totun, era armada de Franco intervenguec damb duretat. Era fin des guerrilhèrs que non queiguèren mòrti o hèti presoèrs e fusilhadi, siguec qu’es francesi les envièren entàs guèrres coloniaus en Indochina o Argeria jos era menaça d’extradicion.

🗨️ Historiadors i experts rememoren el 80è aniversari de l’“Operació Reconquesta d’Espanya” liderada pels maquis i guerrillers antifranquistes.

📍 El #MemorialDemocràtic impulsa a la Vall d’Aran unes jornades que s’allargaran fins diumenge. pic.twitter.com/J1D9AZENcR

— Memorial Democràtic (@catmemoria) October 18, 2024

🔵Arrenca el segon dia de les jornades Octubre 1944, Operació Reconquesta d’Espanya.

🗣️Amb la conferència "La Val d'Aran durant el primer franquisme: repressió i control de la població", a càrrec de @josepcalvetb.

🗨️Modera el president de l'@Exprespol, @vallejo_carles. pic.twitter.com/iZIpARxSAw

— Memorial Democràtic (@catmemoria) October 19, 2024

🔵Cloenda de les jornades Octubre 1944, Operació Reconquesta d’Espanya.

🕊️Amb un homenatge institucional als guerrillers al cementiri d’Es Bòrdes, i amb la presentació d’una estela commemorativa que es col·locarà a Eth Pónt de Rei. pic.twitter.com/2pm53ylyAM

— Memorial Democràtic (@catmemoria) October 20, 2024

#Aran acuelh aguesta dimenjada des VI Jornades Maquis e Resisténcia Antifranquista. ✊🏽

Aué barrament des actes en #Les damb era projeccion deth documental “Aqueth dia i auie ua nòça” de @yeyaboya e aumenatge a @AlmudenaGrandes

#OperacionReconquistaEspaña#Republica#ValdAranpic.twitter.com/arF8gXyM9Z

— Joanet Carabias Ané (@JoanetCarabias) October 19, 2024

📅Se commemòren en Aran es 80 ans dera "Operacion Reconquista España" pic.twitter.com/TolQNAuLvG

— Conselh Generau d'Aran (@conselharan) October 20, 2024