Tèxte legit
Aqueste dissabte, lo Tolosa Olimpic jogava la finala del Champinship cò de Wakefield. La partida foguèt de sens unic: Wakefield l’empòrta 36-0.
Mas lo TO pòt encara pensar a la Superliga. Dins la setmana, la societat IMG rendrà compte de son classament dels clubs professionals d’Anglatèrra, e mai los catalans e lo TO. Los critèris de notacion dependon de las resultas esportivas, de las afluéncias, dels budgets, de la qualitat dels estadis, de la preséncia suls rets socials,… Los primièrs dotze notats integraràn la Superliga.
Super-XIII: Un novèl dèrbi per Carcassona
Dissabte, al Molin, Pià preniá l’avantage sus Lesinhan dins lo primièr temps 20-4, e lo servava 26-16. A Albi, los locals menan 8-6 a la pausa fàcia a Vilanòva per ganhar 26-12. Los Orses de St Gaudenç recebián los vesins tolosans e ganhan lor primièra partida de la sason: 28-10. Los Dragonets van batre Avinhon: 34-18.
Dimenge, a l’Agulha, èra temps de dèrbi: lo grand classic Limós-Carcassona. Los locals dobrissián la marca, mas los dos clubs èran a egalitat a la pausa 16-16. Lo segond temps vesiá los Canaris accelerar e marcar cinc ensages transformats per véncer: 46-16.
Pr'amor dels rescontres internacionals de dissabte, las partidas de la cinquena jornada se jogaràn dimenge: Dragonets/Vilanòva, Tolosa/Avinhon, Carcassona/Sent Gaudenç, Pià-Limós, Vilafranca-Lesinhan.
Primièr torn de la Copa de França
Las formacions d’Elèit 2 disputavan lo primièr torn de la Copa Lòrd Derby. Tres formacions van ganhar lor qualificacion al defòra: Illa a Pàmias (42-24), Vilagalhenc-Argon a Selon (58-0) e, al punt en aur, Tonens s’impausava a l’Escura (36-32). Carpentràs emporta la victòria a domicili fàcia a Realmont (60-12).
Rendètz-vos internacionals
A Domèc, dimars 22, se jogarà lo primièr torn del torneg europèu en vista de la qualificacion per la Copa del Mond de 2026: Galas-Serbia (17h) e França-Ucraïna(19h30). Dissabte 26, a Sant Estève, partida entre los dos venceires (14h40), puèi rescontre dels perdents.
Las doas partidas del Campionat del Pacific an vist las victòrias d’Austràlia fàcia a Tònga (18-0) e de Papoa cò de Fiji (22-10). Del costat femenin, las australianas an batut las papós (84-0) e Samoa va batre Tònga (30-16).
Aqueste dimenge 27 de vèspre, a Wigan, primièr dels dos rescontres entre Anglatèrra e Samoa!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste dimars, a Carcassona :
- Galas bat Serbia 48-0
- França bat Ucraïna : 74-8 (Los Blaus jogavan en roge e blanc!) https://www.ffr13.fr/france-vs-ukraine-74-8/
Dissabte 26, a 14h40, a Sant-Estève : França-Galas
Lo venceire disputarà l'an que ven un tornèg amb Jamaïca, Africa del sud e Islas Cook. los dos primièrs prendràn part a la Copa del monde de 2026.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari