Actualitats
Nos a quitats Andrieu Saïssi, figura clau de l’occitanisme provençal
Foguèt una pèça fondamentala de la reviudacion de la seccion locala de l’IEO
Tèxte legit
Nos a quitats Andrieu Saïssi, çò rapòrta l’Institut d’Estudis Occitans dels Alps Maritims (IEO 06) del qual Saïssi foguèt president e un membre important. Foguèt una pèça fondamentala de la reviudacion de la seccion locala de l’IEO, en obtenent de reconeissenças institucionalas de divèrsas comunas dont la de Grassa, ont foguèt professor d’italian e d’occitan al collègi Carnot.
Saïssi despartiguèt tanben de corses per l’IEO 06 e organizèt de sojorns lingüistics pels estudiants. Dirigiguèt una cronica setmanièra en occitan dins lo jornal Nice-Matin, que venguèt apuèi lo libre Ressons d’Aquí.
Saïssi transmetèt l'occitan a de centenats d'escolans, tan joves coma adultes, aital coma a sa pròpria familha. Sa contribucion a las preservacion e difusion de la lenga occitana serà dins totas las memòrias.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Andrieu Saissi èra un grand occitanista. Èra un modèl de cortesiá, de qualitat lingüistica, de rigor intellectuala e d’ambicion culturala. Totei lo presaviam fòrça. Venguèt participar au Cafè Provençau, a Ais de Provença, e sa preséncia nos motivèt. Cultivem sa memòria.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari