Actualitats
Una letra inedita d’Orwell explica melhor perqué escriguèt 1984
L’escrivan i explica sa tèsi sus l’aument dels totalitarismes
En 1944, tres ans abans d’escriure 1984, George Orwell descriguèt dins una letra a Noel Willmett sa tèsi sus l’aument dels totalitarismes. L’ostal d’edicion Liverlight la publica ara per lo primièr còp dins lo libre George Orwell: A Life in Letters (George Orwell: Una Vida en Letras), qu’a editat Peter Davison.
Dins la letra, Orwell explica a Willmett perqué crenhiá que l’adoracion dels caps totalitaris creisseriá dins los ans avenidors: “Hitler desapareisserà lèu, sens cap de dobte, mas aquò refortirà (a) Stalin, (b) los milionaris angloamericans e (c) tota sòrta de führers mesquins de l’estil de De Gaulle.”
L’autor explica tanben qu’obsèrva una tendéncia mondiala vèrs las economias centralizadas e denóncia que “se son pas organizadas d’un biais democratic e tendon a establir un sistèma de linhatges”.
Orwell cresiá que la direccion qu’aviá pres lo Mond èra aquela de la creacion de dos o tres superestats incapables de se conquistar l’un a l’autre. L’autor se mòstra en favor de la causa dels aliats mas considèra qu’“o cal far melhor, e aquò requerís una critica constanta”.
Aicí podètz legir tota la letra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Disètz : « Orwell cresiá que la direccion qu’aviá pres lo Mond èra aquela de la creacion de dos o tres superestats incapables de se conquistar l’un a l’autre. » Pensi qu'o cresiá pas : o analizava e o conclusiá logicament. Aviá d'uèlhs per i veire clar. La critica permanenta es mai que necessària : es repiratòria, ja que sèm a escanar, per las sembla-democracias d'ara.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari