Actualitats
Marcha per la justícia e un lotjament digne a Marselha
La manifestacion foguèt convocada a l’apròchi del procés per l’esfondrament mortal de bastiments de fa sièis ans
Tèxte legit
Lo dimenge 3 de novembre, mantun milièr de personas desfilèron a Marselha, a l’apròchi del procès pertocant la tragèdia subrevenguda fa quasi sièis ans, que costèt la vida a uèch personas, çò rapòrta Libération. La marcha, qu’amassèt mai o mens 3 000 participants, segon los organizaires, ressonèt d’eslogans tals coma “Justícia, vertat!”, ramentant la colèra e la dolor dels jorns que seguiron l’esfondrament de bastiments de la carrièra d’Aubanha lo 5 de novembre de 2018.
Demest los manifestants, Anne-Marie, 69 ans, anciana assistenta sociala, espèra que lo procès metrà en lum los mancaments de las autoritats envèrs la crisi del lotjament. De son caire, Éloïse, de 30 ans, anèt a la manifestacion motivada per son experiéncia dins lo servici pedopsiquiatric de l’espital marselhés ont trabalha, al près de mainatges que vivon en de condicions precàrias e qu’aurián besonh de lotjaments adaptats.
La manifestacion èra un apèl del Collectiu del 5 de Novembre e de 53 autras associacions e sindicats. Cridèron a de reformas legislativas per tal d’assegurar un lotjament decent per totes. Al fil de la marcha, de discorses soslinhèron que la lucha per un lotjament digne trespassa las frontièras de Marselha. Liliana Lalonde, maire d’una de las victimas, insistiguèt sus l’importància de contunhar de far ausir las voses dels que patisson un abitatge indigne. Lo cortègi seguiguèt la carrièra d’Aubanha, on i a encara, sièis ans apuèi, d’immòbles voids pel dangièr que significan. Davant los luòcs dels escrancaments, los manifestants s’arrestèron per una minuta de silenci, un omenatge als desapareguts d’aquel jorn.
#Marseille : une marche pour le logement digne qui «dépasse la rue d’Aubagne»
— Libération (@libe) November 3, 2024
A quatre jours de l’ouverture d’un procès très attendu, cet événement a rassemblé 3 000 personnes, selon les organisateurs. Lire : https://t.co/N7WbsooM4G
📢 Pour la justice et un logement digne, à Marseille comme ailleurs ! pic.twitter.com/PCJ9HLDBbT
— SUD éducation 13 (@sudeducation13) November 3, 2024
👉Au lendemain d’une marche pour la justice et le logement digne à Marseille, une semaine particulière s’ouvre sur fond de procès et d’hommage, six ans après le dramatique effondrement des immeubles de la rue d’Aubagne. #RuedAubagne@Collectif5Novhttps://t.co/iSlkfKY8p9
— La Marseillaise (@lamarsweb) November 4, 2024
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari