Actualitats
Niça es una de las cinc melhoras vilas europèas per se passejar en bicicleta
Segon lo blòg Consciencia Eco, la vila niçarda es, amb Amsterdam, Londres, París e Berlin, un de las cinc vilas qu’ofrís mai de facilitats pel transpòrt sostenable
Niça es una de las cinc melhoras vilas europèas per anar en bicicleta segon Consciencia Eco, lo blòg consagrat a l’informacion per contribuir a la preservacion de l’environament. Aquò permet de far de torisme d’un biais plan mai confortable, de se rambar dins fòrça endreches e de se desplaçar per de luòcs ont la veitura pòt pas passar.
Consciencia Eco parla del servici “Bicicleta Blava” de Niça, amb sas cent setanta cinc estacions. Per lo poder utilizar, cal solament aver catòrze ans. Lo registrament se pòt far solament per Internet. Un còp fach, la vila permet de gaudir de l’accessibilitat en carrièra e del magnific païsatge del Pargue Nacional del Mont Boron.
Las autras vilas vantadas pel blòg ecologista son Amsterdam, Londres, París e Berlin, per lor disponibilitat de bicicletas, los servicis restacats e las facilitats.
La bicicleta es lo veïcul per excelléncia de la mobilitat sostenabla perque permet de redusir l’impacte environamental que produsisson los veïculs de combustion.
Sul sit de Consciencia Eco trobaretz tanben tota l’informacion necessària per se mòure amb aquel transpòrt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Racines Du Pays Nicois
La Mièua Terra
( Robert Marie MERCIER)
Avia lou goust de la mar,
Una mar douça e calma,
Una mar tant ric d'istoria e de courtura
que empregna li grava,
Qu'aquelu que si bagnon
En tiron lur raïs.
Aqui minga maraia !
Tout es serenità.
Avia lou goust dei mountagna,
Bella e maestousa,
Lu tourrent descadenat,
Li chavana vioulenta,
La nèu immaculada,
Lu soum dau silènci.
La marcha longa e dura,
Sus dei pista rebea.
Avia lou goust de la pas,
Lou sens de l'armounia,
L'oumbra de l'oulivié,
E lou cant dei cigala.
Lou goust dou mèu daurat
Coura sourte de la rusca.
E la festa au vilage
Coura viren lou Mai.
Avia lou goust dou soulèu,
E dei sesoun flourit.
Lou goust dei mandarina
E lur savour aigre.
Pi l'estrèma suavessa
De la flou de pourtegalié.
Sentour de tant d'aròmou,
Mesclage detounant.
Avia lou goust dei countrast,
Terra de paradòs,
Maridant l'aiga de la mar
E lou fuec dau soulèu.
Platituda de l'ounda,
Soum inachessible.
Moutagna venant mouri
En ploungiant dins lu flot.
Que n'en an fach de la mièua terra ?
Que n'en an fach de la nouòstra ànima ?
Lou betoun mangia tout,
Li a jà tout tapat,
De li nouòstri douça couòla
Jusc'au bort de li nouòstri plàia
Repoussant la mièua courtura
Au fount de li nouòstri valada.
Ne recounouissi pu
Lou souòl de lu nouòstre ancessour.
Sus la mièua terra, ancuei,
Sièu un esiliat !
Otoubre 1990. (Prèmi Yolande Bracchetti: Grand Prix des Traditions Niçoises)
#1
Que prepausatz coma solucions per que la situacion cambièsse ? Cal mai de polícia a Marselha ? Cal mandar l'armada o alavetz existisson d'autras solucions per aquela ciutat ? Pecaire, tanplan lo PS al nivèl del govèrn coma l'UMP al nivèl de la Comuna fan véser lor incompeténcia. Çò pièger, aquò's de creire que votar FN seriá la solucion. Cossí que vire, aurem la responsa dins qualques meses ...
E Marselha qu'es ua de las cinc melhors vilas europèas per se har aucíder de manièra insostenibla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari