Donald Trump, president elegit dels Estats Units, a anonciada la creacion del Departament d’Eficacitat del Govèrn (DOGE segon sa sigla en anglés), que serà menat pels entrepreneires Elon Musk e Vivek Ramaswamy. La tòca del DOGE sèra de reduire la burocracia, d'eliminar las regulacions excessivas, de reduire las despensas, e de reestructurar las agéncias federalas. Trump a soslinhada l’importància d’aquelas mesuras per “salvar los Estats Units”. Musk, que ten tanben la companhiá SpaceX e lo ret social X, i a afirmat que lo DOGE farà bolegar lo sistèma governamental.

Las felicitacions del ministre francés de la foncion publica

Coma o rapòrta Le Monde, aquela nominacion anonciada a recebudas las felicitacions del ministre francés de la foncion publica, lo macronista nascut a Marselha Guillaume Kasbarian. A benastrugat en anglés sus X Elon Musk, en assolidant son estrambòrd de collaborar amb el per tal de partejar “las melhoras practicas per luchar contra l’excès de burocratia, reduire la papeirassa e tornar pensar las organizacions publicas per melhorar l’eficacitat dels agents publics”.  L’esquèrra francés i a regit amb indignacion, dont la presidenta socialista de la region dicha Occitània, Carole Delga.

Congratulations on accepting this great challenge @elonmusk ! I look forward to sharing best practices for dealing with excess bureaucracy, cutting red tape and rethinking public organisations to benefit the efficiency of public employees. https://t.co/CgHsNSxqRj

— Guillaume Kasbarian (@guillaumekasba) November 13, 2024