Actualitats
Egipte: an arrestat lo cap esperital dels Fraires Musulmans
Husni Mubarak poiriá èsser liberat plan lèu
Las fòrças de seguretat egipcianas detenguèron ièr de matin lo cap esperital dels Fraires Musulmans, Muhammad Badi, en un apartament del Caire. La television publica difondèt los imatges de la detencion de Badi dins un apartament près de la plaça Rabba Al Adawiya, ont gaireben tres cents seguidors del president destituit Muhammad Mursi foguèron tuats per la polícia. Amb la detencion de Badi, las autoritats militaras contunhan la politica d’escafar la direccion del movement islamista.
“En compliment de la decision del ministèri public e mercés a l’informacion amassada suls sieus movements, es estat possible, gràcias a la direccion dels servicis de seguretat del Caire, d’arrestar lo cap esperital dels Fraires Musulmans, Muhammad Badi”, çò ditz un comunicat del Ministèri de l’Interior.
Badi, de setanta ans, foguèt acusat lo 10 de julhet, una setmana après la destitucion del president Mursi, d’incitar a la violéncia. Tant el coma d’autres dirigents dels Fraires Musulmans, coma Khayrat Ash Shatir, auràn de comparéisser davant un tribunal lo 25 d’agost per la presomptiva implicacion en l’assassinat de uèch manifestants davant la sedença de lor movement en junh passat.
Los Fraires Musulmans an ja nomenat Mahmud Azzat coma substitut de Badi.
Dempuèi que los militars prenguèron lo poder a Mursi, lo 3 de julhet, las fòrças de seguretat an reprimit amb fòrça la direccion dels Fraires Musulmans e lors simpatizants. La repression a daissat de centenats de detenguts e pas mens de nòu cents mòrts. Ara vòlon illegalizar lo partit, e mai se ganhèt las eleccions democraticament.
Husni Mubarak poiriá èsser liberat plan lèu
A tot aquò i cal apondre una nòva qu’arriba en un moment mai que mai delicat. L’èx-president egipcian reversat per la revolucion, Husni Mubarak, es estat exculpat de qualques cases de corrupcion e segon sos avocats sortirà lèu de la preson.
Pasmens, Mubarak deu afrontar un autre jutjament per complicitat dins las mòrts pendent la revolucion. De fach, foguèt condemnat a perpetuitat arunan per aquel afar, mas lo verdicte foguèt apelat per l’avocat e pel ministèri public.
“En compliment de la decision del ministèri public e mercés a l’informacion amassada suls sieus movements, es estat possible, gràcias a la direccion dels servicis de seguretat del Caire, d’arrestar lo cap esperital dels Fraires Musulmans, Muhammad Badi”, çò ditz un comunicat del Ministèri de l’Interior.
Badi, de setanta ans, foguèt acusat lo 10 de julhet, una setmana après la destitucion del president Mursi, d’incitar a la violéncia. Tant el coma d’autres dirigents dels Fraires Musulmans, coma Khayrat Ash Shatir, auràn de comparéisser davant un tribunal lo 25 d’agost per la presomptiva implicacion en l’assassinat de uèch manifestants davant la sedença de lor movement en junh passat.
Los Fraires Musulmans an ja nomenat Mahmud Azzat coma substitut de Badi.
Dempuèi que los militars prenguèron lo poder a Mursi, lo 3 de julhet, las fòrças de seguretat an reprimit amb fòrça la direccion dels Fraires Musulmans e lors simpatizants. La repression a daissat de centenats de detenguts e pas mens de nòu cents mòrts. Ara vòlon illegalizar lo partit, e mai se ganhèt las eleccions democraticament.
Husni Mubarak poiriá èsser liberat plan lèu
A tot aquò i cal apondre una nòva qu’arriba en un moment mai que mai delicat. L’èx-president egipcian reversat per la revolucion, Husni Mubarak, es estat exculpat de qualques cases de corrupcion e segon sos avocats sortirà lèu de la preson.
Pasmens, Mubarak deu afrontar un autre jutjament per complicitat dins las mòrts pendent la revolucion. De fach, foguèt condemnat a perpetuitat arunan per aquel afar, mas lo verdicte foguèt apelat per l’avocat e pel ministèri public.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Esperital, aquò se vòu plan dider espirituau en lenga vòsta? Le vertat: ne'u tròbi pas hòrt esperituau, aqueth.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari